Khoti la Nazarovskiy ilo lili ku Chigaŵa cha Krasnoyarsk lipelekenge chigamuro chake sonosono apa pa mulandu wa Mubali Ivan Shulyuk. Uyo wakwimira boma pa milandu wachali wandapemphe chilango icho wangapika.

1. June 18, 2020

   Ŵamazaza awo ŵakayegha futi ŵakasecha nyumba ya Shulyuk na kuluta nayo kukamujalira. Ŵakamusunga dankha mu jele lakukolerapo waka

2. June 19, 2020

   Khoti likati Ivan ŵamusamuskire ku jele lakusungirako ŵanthu awo mulandu wawo underuzgike

3. July 9, 2020

   Wafumiskika mu jele. Wakakanizgika kuyowoyeskana na ŵanthu awo ŵakuleka kukhala pa nyumba pake kwambura kuzomerezgeka na ŵamazaza. Wakaphalirika kuti waleke kufumapo pa nyumba kwamba 6 koloko mulenji m’paka 11 koloko usiku, ndipo ivi vikapangiska kuti watondekenge kuluta ku ntchito

4. August 14, 2020

   Wakufufuza mulandu wakayezga kuti wasazgireko kumukanizga vinyake, kweni chifukwa chakuti Ivan wali na lumbiri luwemi, mbwenu vikatondeka. Vinthu vinandi ivyo wakakanizgika ŵakamuzomerezga kwamba kuchita

5. August 17, 2020

   Ŵamazaza ŵakamukanizga kwenda maulendo

6. September 15, 2021

   Khoti lamba kutegherezga mulandu wake

Tikuwonga chomene kuti “Yehova wakumanya kuŵathaska ku chiyezgo ŵanthu awo ŵakumusopa mwakujipeleka.”—2 Petrosi 2:9