Pa August 31, 2020, * Khoti la mu Msumba wa Berezovsky ilo lili ku Chigaŵa cha Kemerovo

Kugwira jele vyaka viŵiri

Khasan Kogut

• Chaka cha kubabikira: 1983 (ku Shahrisabz, Uzbekistan)

• Mbiri yake: Wakamba kusambira Baibolo cha mu 1995. Wakasamukira ku Russia mu 2004 ndipo wali na wenekaya wa ku Russia. Wakatorana na Yekaterina mu 2010. Mwana wawo wakwamba, Timofey, wakababika mu 2012

Mu July 2018, ŵapolisi ŵakasecha nyumba 8 za Ŵakaboni ŵa Yehova na kuŵapoka mafoni na vinyake. Pati pajumpha myezi, Mubali Kogut na muwoli wake ŵakachemeka ku polisi kuti ŵakatore katundu wawo uwo ŵakaŵapoka. Kweni ŵati ŵafika ku polisi pa February 6, 2019, ŵapolisi ŵakamukaka Mubali Kogut. Ŵakamupa mulandu wakuti ŵakachitanga milimo ya gulu ilo likuchita vinthu “mwakutalulira.” Kweni unenesko ngwakuti mubali uyu wakachitangako waka vinthu vyakukhwaskana na kusopa.

Ŵati ŵamusunga ku polisi mazuŵa ghaŵiri, Mubali Kogut ŵakamuŵika pa jele la pa nyumba. Wakakhala pa jele la pa nyumba mazuŵa ghakujumpha 200, pamanyuma ŵakamufumiska mu August 2019. Khoti likamba kupulikizga mulandu wake pati pajumpha waka masabata ghachoko waka.

Apo banja la Kogut likulindizga ivyo khoti lizamudumura, tikumanya kuti likulutilira kumuthulira Yehova vyenjezgo vyake, ndipo likupembuzgika pakumanya kuti Yehova wakulipwelelera.—1 Petrosi 5:7.