SEPTEMBER 24, 2021
RUSSIA

Mubali Maksim Beltikov Wakusanga Nkhongono Chifukwa cha Kuŵerenga Baibolo na Kuwungana

JULANI

Nyengo

Khoti la Pavlovskiy ilo lili ku Chigaŵa cha Krasnodar, sonosono apa lipelekenge chigamuro chake pa mulandu wakukhwaskana na Mubali Maksim Beltikov. a Uyo wakwimira boma pa milandu wachali wandapemphe dankha chilango icho Mubali Beltikov wangapika
June 29, 2020

Wakaphalirika kuti waleke kufumamo mu chigaŵa icho wakakhalanga
June 23, 2020

Ŵamujulira mulandu. Ŵakuti wali na mulandu chifukwa chakuti, “wakatoramo chigaŵa pakusambizga vinthu vyakukhwaskana na chisopa” ivyo vikusazgapo “kuchitiska na kutegherezga nkhani zakufuma mu mabuku ghachisopa”
April 29, 2020

Ŵalara ŵa boma ŵakasecha nyumba ya Maksim. Pamanyuma wakafumbika mafumbo

Vyakukhwaskana na munthu uyu

Maksim Beltikov

Chaka cha kubabikira: 1980 (Baltiysk, Chigaŵa cha Kaliningrad)

Mbiri yake: Apo wakaŵa muchoko, wakatemwanga kwimba sumu. Wakagwiranga ntchito ya vyakuzenga. Muvyara wake ndiyo wakamba kumusambizga vya Baibolo. Wakakondwa chomene wati wamanya zina leneko la Chiuta lakuti, Yehova. Wakazizwa chomene wati wasambira na kuwona kuti mauchimi ghanyake gha mu Baibolo ghakufiskika kweniso kuti ulongozgi wa mu Baibolo ngwakovwira. Wakabatizika na kuŵa yumoza wa Ŵakaboni ŵa Yehova mu 2001. Wakatorana na muwoli wake, Mariya, mu 2005. Ŵali na ŵana ŵachokoŵachoko ŵatatu

Ivyo Wakayowoya

Kasi Yehova wamovwirani wuli imwe na banja linu pa chiyezgo icho mwasangana nacho?

Yehova wapeleka chilichose icho banja lane likukhumbikwira, mwauzimu kweniso mwakuthupi. Muwoli wane na ŵana ŵane ŵakuyezgayezga chomene kunipulikiska umo nkhujipulikira kweniso ŵakunovwira kuti nileke kughanaghana vinthu ivyo vinganipa chitima. Mubali wakanikhozga na Salimo 23. Mubali uyu wakati: “Kumuleka yayi Yehova na gulu lake. Zomerezgani kuti Yehova wamupwelelerani.”

Kasi kuŵerenga Baibolo na kuwungana vyamovwirani wuli kuti mulutilire kuŵa wakukondwa?

Kuŵerenga Baibolo zuŵa lililose na kusangikapo pa maungano ghose vyanovwira chomene kuti nilutilire kuŵa wakukondwa kweniso kuŵa na chipulikano kuti Yehova wakunipwelelera. Ine na muwoli wane tikakwaniska kuluta ku ungano wa chigaŵa ku Seoul, South Korea, mu 2018. Pa Sabata, muyowoyi wa nkhani wakayowoya ku ŵanthu awo ŵakayowoyanga chiyowoyero cha ku Korea na kupempha waliyose uyo wakaŵa kuti wali kujalirikapo mu jele chifukwa cha chipulikano chake kuti wayimilire. Ŵabali masauzandi ghanandi ŵakayimilira. Nkhukumbuka kuti mu mtima nkhati : ‘Usange ŵabali aŵa ŵakafiska, ipo nane mbwe ningafiska.’

Kasi ubwezi winu na Yehova wakhora wuli chifukwa cha chiyezgo icho mwasangana nacho?

Ubwezi wane wakhora chomene ndipo wasintha munthowa zinandi. Malurombo ghane ghakuŵa ghakudunjika. Chakukondweska ntchakuti, malurombo ghane ghakuwonga ndiwo ghakuŵa ghakudunjika chomene kujumpha malurombo ghane ghakupempha. Namba kuŵerenga Baibolo munthowa yinyake, nkhupenja viyelezgero vya ŵanthu awo ŵakuzunulika mu Baibolo ivyo vikukoleranako na umo vinthu viliri pa umoyo wane pasono.

Mphanyi ŵabali na ŵadumbu ŵithu ku Russia ŵalutilira kuŵa ŵachikanga na kulutilira kukhozgeka mwa kuŵerenga Baibolo kweniso kutemwa ŵabali na ŵadumbu. Tikumanya kuti “Chiuta wa chitemwa na wa mtende” walutilirenge kuŵa na ŵabali na ŵadumbu ŵithu ŵakutemweka aŵa.—2 Ŵakorinte 13:11.

a Ni nyengo zose yayi apo deti ilo khoti lizamupelekera chigamuro chake likumanyikwirathu.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI