DECEMBER 23, 2021
RUSSIA

Mubali Vitaliy Sukhov Wakuwona Woko la Yehova Kwizira mu Ŵabali na Ŵadumbu

JULANI

Nyengo

December 21, 2021

Khoti la Zheleznodorozhny ku Krasnoyarsk likati Mubali Vitaliy Sukhov wali na mulandu ndipo waleke kusangikaso na mulandu unyake kwa vyaka 6, kusazgapo vyaka vitatu vyakumuwonerapo. Ulendo uwu wajalirikenge mu jele yayi
March 25, 2021

Khoti likamba kutegherezga mulandu wake
October 16, 2020

Ŵamazaza ŵa ku khoti ŵakapoka galimoto ya Vitaliy
May 21, 2020

Ŵamazaza ŵakasecha nyumba ya Sukhov
May 8, 2020

Vitaliy wakapika mulandu wakuti wakulongozga maungano gha gulu la chisopa ilo ndakukanizgika

Vyakukhwaskana na munthu uyu

Vitaliy Sukhov

Chaka cha kubabikira: 1967 (Krasnoyarsk)

Mbiri yake: Wakakumana na Ŵakaboni ŵa Yehova mu 1989 apo wakagwiranga jele. Wakamba kusambira Baibolo wati wafumiskika mu jele

Wakatorana na Yelena mu 1990. Wakabatizika mu 1994. Ŵali na ŵana 8

Ivyo Wakayowoya

Kasi Yehova wakumovwirani wuli imwe na muwoli winu kwizira mu ŵabali na ŵadumbu?

Nkhuwona woko la Yehova kwizira mu ivyo ŵabali na ŵadumbu ŵakutichitira. Iwo ŵakulutilira kutovwira na kutipwelelera, nangauli pambere mulandu uwu undambe ŵanandi tikaŵamanyanga yayi.

Pasono palije uyo wakuzomerezgeka kunjira mukati mwa khoti chifukwa cha muliri wa COVID-19. Kweni para ine nili mu khoti, ŵabali na ŵadumbu ŵakwiza na kwimilira pawaro vilije kanthu kuti kwacha wuli. Ivi vikupeleka ukaboni ku awo ŵakugwira pa khoti kweniso awo ŵakujumpha.

Ntchakukondweska chomene kuwona kuti nase tili mu mbumba ya Yehova yachitemwa iyi.

Tili ŵakukondwa kumanya kuti nyengo zose Yehova ‘wakovwira ŵarunji’ ndipo wakumanya viyezgo ivyo vikuŵawira.—Salimo 37:17, 18.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI