Mubali Vladimir Alushkin ŵali kumufumiska mu jele pa March 30, 2020 ndipo pasono waliso lumoza na muwoli wake.

Ŵakamufumiska chifukwa cha ivyo Khoti la ku Penza likadumura pa March 25. Khoti ili likasuska ivyo khoti lapakwamba likadumura kuti Mubali Vladimir Alushkin, Vladimir Kulyasov, Andrey Magliv, Denis Timoshin, kweniso Mudumbu Tatyana Alushkina na Galiya Olkhova ŵali na mulandu. Khoti la ku Penza likapempha khoti ilo likadumura mulandu uwu pakwamba kuti lisange mweruzgi munyake kuti weruzgeso mulandu wa ŵabali na ŵadumbu aŵa. Pasono ŵabali na ŵadumbu aŵa ŵachali ŵandaŵazomerezge kwenda na kuchita vinthu vinyake.

Tikakondwa kuti Mubali Alushkin ŵamufumiska mu jele. Kweni pati pajumpha mazuŵa ghaŵiri, khoti likati mubali withu munyake kumpoto cha kumafumiro gha dazi kwa Russia wali na mulandu chifukwa chakuti ni Kaboni wa Yehova. Nangauli ŵabali na ŵadumbu ŵithu ku Russia ŵakulutilira kweruzgika mwambura urunji, kweni ŵakukumbuka mazgu agho ghali pa Nahumu 1:7 agho ghakuti: “Yehova ni muwemi, ni linga lakukhora mu zuŵa la suzgo. Wakuŵamanya awo ŵakupenja chiphokwero mwa iyo.”