JANUARY 7, 2022
RUSSIA

Mubali Vladimir Chesnokov, Vladimir Dutkin, na Valeriy Yakovlev Ŵakupika Mulandu Chifukwa cha Chipulikano Chawo mwa Chiuta

JULANI

Nyengo

Khoti la Kalininskiy ilo lili ku Cheboksary lipelekenge chigamuro chake sonosono apa pa mulandu wa Mubali Vladimir Chesnokov, Vladimir Dutkin, na Valeriy Yakovlev. Uyo wakwimira boma pa milandu wachali wandapemphe chilango icho ŵangapika
June 7, 2021

Vladimir Chesnokov na Valeriy Yakovlev ŵakasazgika ku mulandu wa Vladimir Dutkin
December 30, 2020

Vladimir Dutkin wakapika mulandu ndipo wakakanizgika kwenda kufuma mu chigaŵa icho wakakhalanga
November 25, 2020

Ŵamazaza ŵakamba kumufufuza mulandu Vladimir Dutkin, ndipo pamanyuma ŵakasecha nyumba yake. Ŵakamutora kuti ŵakamufumbe mafumbo

Vyakukhwaskana na ŵanthu aŵa

Vladimir Chesnokov

Chaka cha kubabikira: 1959 (Bakhmutovo, Chuvash Republic)

Mbiri yake: Wakasambira vya usilikari ndipo wakaŵa mulara wa ŵasilikari. Iyo na muwoli wake Nina ŵali na ŵana ŵatatu ŵanalume

Apo wakaŵa ku usilikari kwenekuku, wakasambira layizgo la mu Baibolo lakuti ŵanthu “ŵazamuskana malupanga ghawo kuŵa vyakulimira, mikondo yawo kuŵa vyakuphatilira makuni.” (Yesaya 2:4) Wakapumura ntchito ku usilikari ndipo wakabatizika mu 1993

Ivyo Wakayowoya

Kasi ŵabali na ŵadumbu ŵamovwirani wuli?

Ŵabali na ŵadumbu ŵakutovwira chomene. . . . Ŵakatifumba wovwiri wa ndalama uwo tingakhumbikwira para maakaunti gha ku banki ŵangatijalira. Ivi vikamukhwaska chomene muwoli wane, uyo pasono ni Kaboni wa Yehova yayi. Pasono wamba kuwona uwemi uwo ukuŵapo usange munthu wakulondezga fundo za mu Baibolo. Nakuti wambaso kuŵawona mwakwenelera Ŵakaboni ŵa Yehova, ndipo waleka kuyezga kunikanizga kusopa Yehova nga umo wakachitiranga kumasinda.

Vladimir Dutkin

Chaka cha kubabikira: 1963 (Novoaltaysk, Chigaŵa cha Altai)

Mbiri yake: Apo wakaŵa muchoko wakatemwanga kuchita maseŵera ghakupambanapambana, nga ni volleyball, bola la malundi, na hockey. Wakugwira ntchito ku kampani ya vya inshuwalansi

Wati wamba kusambira mauchimi gha mu Baibolo wakamba kuŵa na chipulikano chakukhora mwa Yehova, Chiuta. Wakabatizika mu 2002

Ivyo Wakayowoya

Ntchivichi chikumupani nkhongono mu nyengo yakusuzga iyi?

Ŵati ŵasecha nyumba yane, nkhalomba kwa Yehova kuti wanipe chimwemwe na vinjeru. Nyengo yose iyi, nkhughanaghanira umo nkharo yane yiwemi yingawovwilira kuti zina la Yehova lituŵiskike. . . . Maghanoghano agha ghakunikhozga chomene.

[Nakutiso nkhutemwa] kuphalirako ŵabali na ŵadumbu za vitumbiko ivyo nasanga. Nkhuwona kuti vikukhozga chomene chipulikano chawo . . . Nakuti nkhukondwa chomene kupulika ŵanandi mwa iwo ŵakuyowoya kuti ŵakopa chomene yayi ivyo vingaŵachitikira para ŵawona chiyelezgero chane.

Kuŵerenga Mazgu gha Chiuta na kughanaghanirapo ndiko kukovwira ŵabali na ŵadumbu ŵithu kuti ŵazizipizge masuzgo agho ŵakukumana nagho zuŵa na zuŵa kweniso kuti ŵawonenge Yehova kuŵa ‘chakujoŵamo chawo mu zuŵa la soka.’—Salimo 27:5.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI