Pa January 27, 2021, a Khoti la Nadezhdinskiy ku Chigaŵa cha Primorskiy lizamupeleka chigamuro chake pa mulandu wa Mubali Vladimir Filippov. Wangazakeruzgika kuti wakagwire jele vyaka 6 na hafu.

Vladimir Filippov

• Chaka chakubabikira: 1943 (ku Oktyabrskiy, Chigaŵa cha Novosibirsk )

• Mbiri yake: Adada ŵake ŵakafwa pa Nkhondo Yachiŵiri ya pa Charu Chose kwati kwakhala mazuŵa ghachoko waka kuti wababike. Wakamalizga masambiro ghake gha usilikari mu 1964 ku Tomsk Artillery School. Wakatorana na Lyubov mu 1967. Wakapumura ntchito ya usilikari wati wagwira vyaka 27.

  Wakamba kusambira Baibolo pamanyuma pakuti muwoli wake wambapo kale mu 1994. Ndipo pamanyuma wose ŵakabatizika mu chaka chakulondezgapo

Mu August 2017, ŵalara ŵa boma ŵakamba kujambura mwakubisirizga vidiyo yakukhwaskana na Mubali  Filippov na ŵabali ŵanyake ku Razdolnoye. Kwa myezi yinandi, ŵalara ŵa boma aŵa ŵakajamburanga mwakubisirizga Mubali  Filippov para wali pa maungano kweniso para wakuphalirako ŵanyake uthenga wa mu Baibolo.

Pa July 19, 2018, ŵapolisi ŵa FSB awo wakavwara vyakujibisa kumaso ndipo ŵakayegha vilwero ŵakanjira mu nyumba ya Mubali Filippov. Ŵapolisi aŵa ŵakatimba Mubali Vladimir ku maso, uyo pa nyengo iyo wakaŵa na vyaka 75, ŵakamuchichizga kuti wagone pasi na kumukakilira mawoko ku musana, ndipo paumaliro ŵakasecha nyumba yake yose. Ŵakasecha nyumba ya Mubali Filippov maulendo ghaŵiri, mu August 2019 na January 2020. Ndipo ŵakamupa mulandu ŵati ŵizaso kuzakasecha nyumba yake kachiŵiri.

Tikulomba kuti Yehova walutilire kuŵapa nkhongono ŵabali na ŵadumbu ŵithu kuti ŵazizipizge na kulutilira kuŵa ŵakukondwa kweniso kuŵa na chipulikano chakukhora!—Yesaya 40:29, 31.