Khoti la mu Msumba wa Furmanovsky ilo lili ku chigaŵa cha Ivanovo, lipelekenge cheruzgo chake pa July 14, 2020, pa mulandu wa Mubali Yevgeniy Spirin. Wakwimira boma pa milandu wakapempha khoti kuti lipeleke cheruzgo chakuti Mubali Spirin wakagwire jele vyaka 7.

Mubali Spirin, uyo wali na vyaka 34, ŵali kumupa mulandu wakuti wakovwira gulu ilo ‘likuchita vinthu mwakutalulira.’ Ŵakamba kumupa mulandu uwu pa January 21, 2019, ndipo mulara munyake wa Federal Security Service (FSB) ndiyo wakamupa mulandu uwu. Pati pajumpha mazuŵa 6, ŵapolisi ŵa FSB ŵakasecha nyumba ya Mubali Spirin na muwoli wake, Natalya. Khoti la Oktyabrsky ku Ivanovo likati Mubali Spirin ŵamusunge mu jele kwa myezi yiŵiri, chifukwa chakuti waka ni Kaboni wa Yehova. Paumaliro ŵakasazgirako utali wa nyengo yakumusungira mu jele.

Ŵakamufumiska mu jele ilo ŵakamusunga mazuŵa 160, pa July 5, 2019, ndipo ŵakamutuma ku jele la panyumba. Pa December 18, 2019, Khoti la Oktyabrsky ku Ivanovo likati Mubali Spirin ŵamufumiske pa jele la pa nyumba nangauli ŵanthu ŵanyake ŵakukolerana navyo yayi. Ŵakamukanizgaso yayi kuchita vinthu vinyake pa nyengo iyi.

Tikulomba ndipo tikugomezga kuti Adada ŵithu ŵachitemwa, Yehova, ŵalutilirenge kuŵa nawo ŵabali na ŵadumbu ŵithu ku Russia awo ŵakujalirika mu jele chifukwa cha chipulikano chawo.—1 Petrosi 4:14.