Pa 19, July 2023, Mubali Yuriy Savelyev wali kufumiskika mu jele ku Russia mu msumba wa Rubtsovsk. Wakakakika pa 9 November, 2018, ndipo wakhala vyaka 4 na hafu mu jele.

Panyengo iyo wakaŵa mu jele, Yuriy wakalwara chifukwa mu jele ilo wakaŵa ŵakapwelelerangamo yayi. Mwakusazgirapo, kanandi waka mu jele umu wakapikanga chilango chikuru pa vinthu vyakuti ŵachita kumupusikizgira waka. Nangauli wakakumana na masuzgo ghose agha, Yuriy wakalutilira kuŵa wakukhora chifukwa chakuti wakapokeranga nkhongono kufuma kwa Yehova para walomba. Nkharo ya Yuriy kweniso mikhaliro ya Chikhristu iyo wakalongoranga, yikapangiska awo wakaŵa nawo mu jele kweniso ŵalinda ŵa jele kuti ŵamuchindikenge chomene.

Pambere wandajalirike mu jele, apo mulandu ukaŵa ku khoti Yuriy wakakora mazgu gha Yesu gha pa Mateyu 22:37, apo Yesu wakayowoya kuti: “Utemwenge Yehova Chiuta wako na mtima wako wose na umoyo wako wose na maghanoghano ghako ghose.” Ivyo Yuriy wakachita pakulutilira kuŵa wakugomezgeka, vikukolerana chomene na mazgu gha Yesu agha. Tili na chigomezgo chose kuti Yehova walutilirenge kumutumbika chifukwa cha chipulikano, chitemwa kweniso kuzizipizga kwake.