JANUARY 30, 2024
RUSSIA

Mudumbu Sona Olopova Wapika Chilango cha Kukagwira Ntchito Yinonono ku Jele kwa Vyaka Viŵiri

JULANI

Pa January 25, 2024, Khoti la Tsentralniy ku Tolyatti ilo lili ku Chigaŵa cha Samara likadumura kuti Mudumbu Sona Olopova wapike chilango cha kukagwira ntchito yinonono ku jele kwa vyaka viŵiri. Wakhalenge ku jele, uku wakugwira ntchito zakovwira mu chikaya.

Vyakukhwaskana na munthu uyu

Sona Olopova

Chaka chakubabikira: 1987 (ku Armenia)

Mbiri yake: Mbumba yakwake yikasamukira ku Russia apo wakaŵa na vyaka 10. Wakagwiranga ntchito ya kuphoda ŵanthu

Amama ŵake ndiwo ŵakamusambizga unenesko wa mu Baibolo. Wakabatizika kuŵa yumoza wa Ŵakaboni ŵa Yehova mu chaka cha 2000

Wakatorana na Anatoliy mu 2009

Ivyo Wakayowoya a

Ntchivichi chamovwirani kukhozga chipulikano chinu mu nyengo yakusuzga iyi?

Unenesko ngwakuti pakaŵanga nyengo zinyake izo chikaniŵiranga chakusuzga kusanga nyengo yakuchitira vinthu vyauzimu. Mwachiyelezgero, nyengo yinandi nkhamaliranga pa kunozgekera mulandu ku khoti. Zuŵa linyake apo nkhaŵazganga vya mulandu wane, nkhawona kuti ntchakwenelera kuti nilombe dankha na kuŵerenga Baibolo, kweniso kutegherezga kwa Yehova, ndipo pamanyuma nkhalutizga kunozgekera mulandu.’ Nili na chigomezgo chose kuti para nkhudangizga vya Ufumu na kuthemba Yehova na mtima wane wose mbwe vinthu viniyenderenge makora.

Tili na chigomezgo chose kuti Yehova walutilirenge kulongozga, kuvikilira na kulongora chitemwa chake kwa Sona kweniso ku ŵateŵeti ŵake wose ŵakugomezgeka awo ŵakulutilira kuthemba iyo.—Salimo 86:2.

Nyengo

May 15, 2023

Ŵakamujulira mulandu
May 16, 2023

Ŵakasecha nyumba yake. Wakafumbika mafumbo ndipo wakakanizgika kuluta ku vigaŵa vinyake
September 6, 2023

Khoti likamba kutegherezga mulandu wake
January 25, 2024

Ŵakadumura kuti wali na mulandu ndipo wakapika chilango cha kukagwira ntchito yinonono ku jele kwa vyaka viŵiri