AUGUST 18, 2021
RUSSIA

Mudumbu Viktoriya Verkhoturova Wakulutilira Kuŵa Wakukondwa Nangauli Ŵakuti Wali na Mulandu

JULANI

Nyengo

Khoti la Priokskiy ku Nizhny Novgorod lipelekenge chigamuro chake sonosono apa pa mulandu wa mudumbu Viktoriya Verkhoturova. Uyo wakwimira boma pa milandu wachali wandapemphe chilango icho mudumbu uyu wangapika a
July 17, 2020

Viktoriya wakanizgika kwenda maulendo
March 26, 2020

Viktoriya wakwamba kupika mulandu
July 17, 2019

Ŵapolisi 10 pamoza na wakufufuza milandu, ŵakamba kusecha nyumba yake kwa maora 5. Ŵakamuŵika Viktoriya mu chipinda chinyake kutali na mfumu wake, Sergey. Ŵapolisi ŵakamba kumofya mwakumuphalira kuti umoyo wa ku jele ngwakusuzga chomene

Vyakukhwaskana na munthu uyu

Viktoriya Verkhoturova

Chaka cha kubabikira: 1976 (Uzbekistan)

Mbiri yake: Ngwaumaliro mu nyumba yakwake. Wakugwira ntchito ya unesi. Wakutemwa kushuwa na kutembeya

Apo wakaŵa muchoko wakasuzgikanga chomene maghanoghano chifukwa chakuti umoyo ngufupi ndipo wakawopanga chomene nyifwa. Wakanweka kwamba kusambira Baibolo na Ŵakaboni ŵa Yehova pamanyuma pakuti wawona chithuzi cha ivyo Baibolo likuyowoya vyakukhwaskana na paradiso kweniso wati wasambira kuti nyifwa yizamuŵakoso yayi. Wakabatizika mu 1998. Wakatengwa kwa Sergey mu 2001

Ivyo Wakayowoya

Kasi ntchivichi chamovwirani kuti mulutilire kuŵa ŵakukondwa na kuleka kwenjerwa chomene?

Padera pa kuŵerenga Baibolo zuŵa lililose na kusambira lemba la zuŵa, tikamba kutegherezga chomene sumu za mu JW broadcasting. Kweniso nkhajiŵikira chilato chakuti zuŵa lililose nilombenge kuti niŵe na chimwemwe kweniso nitemwenge ŵalwani ŵane. Ivi vikunovwira kulutilira kuŵa wakukondwa.

Kasi ubwezi winu na Yehova wakhora wuli chifukwa cha chiyezgo ichi?

Yehova waŵa wanadi kwa ine. Iyo ni Dada walusungu kweniso wakunipwelelera. Nkhuwona umo iyo wakunovwilira ine na mfumu wane. Usange nalomba nkhujipulika kuti Adada ŵithu ŵali nase pafupi para tili mu khoti kutegherezga mulandu. Mtima wane uli m’malo ndipo chipulikano chane chakhora.

Kasi lilipo lemba ilo likumovwirani kuti muzizipizge na chimwemwe?

Salimo 118:6, 7. Mavesi agha ghakunikumbuska kuti ŵalwani ŵithu nkhanthu yayi pakuyaniska na Mlengi withu Mukuru wachilengiwa chose. Iyo wangachita chilichose, ndipo palije icho ŵanthu ŵangachita kuti ŵamutondeske kufiska khumbo lake. Nili mu mawoko ghakuvikilirika gha Chiuta!

Nangauli ŵabali na ŵadumbu ŵithu ŵakutambuzgika ku Russia kweni ŵakulutilira kuŵa ŵakukondwa na wovwiri wa Yehova. Tikumanya kuti walutilirenge kuŵapa “chimwemwe . . . na mtende” ŵabali na ŵadumbu ŵithu ŵakutemweka aŵa.—Ŵaroma 15:13.

a Ni nyengo zose yayi apo deti ilo khoti lizamupelekera chigamuro chake likumanyikwirathu.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI