OCTOBER 28, 2021
RUSSIA

Mwanakazi wa Vyaka 80 Uyo Wakaŵa Msambizgi, Ŵakuti Wali na Mulandu Chifukwa cha Kuyowoya vya Baibolo

JULANI

Nyengo

Pa November 17, 2021, Khoti la mu Msumba wa Severskiy ku Chigaŵa cha Tomsk likati Yelena Savelyeva wali na mulandu ndipo waleke kusangikaso na mulandu kwa vyaka vinayi. Ulendo uwu ŵamujalirenge mu jele yayi. Pakwamba wakwimira boma pa milandu wakapempha kuti Yelena uyo wali na vyaka 80 walipire ndalama zakukwana madola 7,198 gha ku America
July 22, 2021

Khoti likamba kutegherezga mulandu
March 25, 2021

Ŵakwimira boma pa milandu ŵa ku Russia ŵakamujulira mulandu Yelena. Ŵakati wali na mulandu wa “kukopa, kulemba, panji kuti kunyengelera ŵanthu kuti ŵachiteko milimo ya gulu ilo likuchita vinthu vyakofya” kuyana na Dango 282.2 la Malango gha charu cha Russia.

Mulandu uwo ŵakamupa ŵakatolera pa maukaboni gha ŵanakazi ŵaŵiri awo Yelena wakaŵaphalirako visambizgo vya mu Baibolo: mwanakazi munyake wakaŵa wa FSB ndipo munyake wa ku Russian National Guard. Ŵanakazi aŵa ŵakapusikizgira kuti mbakunweka kusambira Baibolo ndipo ŵakajamburanga mwachisisi ivyo ŵakadumbiskananga na Yelena pamanyuma na kutumizga vinthu vyakukhwaskana na iyo kweniso Ŵakaboni ŵanyake ku ŵamazaza

Vyakukhwaskana na munthu uyu

Yelena Savelyeva

Chaka cha kubabikira: 1941 (Katka, Republic of Belarus)

Mbiri yake: Wakakulira mu banja likavu ndipo wakasangana na masuzgo agho ghakamba chifukwa cha Nkhondo Yachiŵiri ya pa Charu Chose. Wakasambira vyakukhwaskana na sayansi kweniso masamu pa yunivesite yinyake ndipo wakagwira ntchito ya usambizgi kwa vyaka vyakujumpha 40 pambere wandapumure. Mu 1963, wakatengwa kwa Leonid, uyo wakamanyanga vyakukhwaskana na sayansi ya nyukiliya. Ŵali na ŵana ŵanalume ŵaŵiri

Wakamba kukhumba kumanya vinandi vyakukhwaskana na Chiuta kufuma apo wakaŵa muchoko. Kanandi wakafumbanga Chiuta mu malurombo kuti: “Chifukwa wuli nili na umoyo? Kasi ningamuchitirani vichi?” Wakasanga mazgoro gha mafumbo agha mu Baibolo. Wakabatizika na kuŵa Kaboni wa Yehova mu 2002

Ivyo Wakayowoya

Kasi ntchivichi chamovwirani kuti muleke kugongowa mu nyengo ya chiyezgo iyi?

Nkhati naŵazga vyakukhwaskana na mulandu uwo ŵakanipa, nkhazizwa chomene. Mahara ghakanimalira! Mazgu agho ŵakalembamo ghakuti “napalamura mulandu” ghakaniŵinya chomene. Chikatenge chiŵenge chipusu kugongowa nati naŵazga mazgu ghakuŵinya agha. Ndipouli, tikwenera kukumbuka kuti: “Uyo wazizipizgenge m’paka kuumaliro ndiyo wazamuponoskeka.”—Mateyu 10:22.

Kasi ŵabali na ŵadumbu ŵamovwirani wuli pa nyengo yakusuzga iyi?

Para khoti likutegherezga mulandu wane, kanandi ŵadumbu ŵakwizanga kuzakaŵapo. Nakuti kanandi, ŵanthu 12 m’paka 18 ŵakwizanga kuzakakhozgera munthu uyo wakupika mulandu. Nane ŵakiza kuzakanikhozgera. Ŵakaniyowoyeska, kunikhozga, na kuniphalirako mavesi gha mu Baibolo. Mwakudumura, ningati ŵakaniphalira kuti nileke kopa, iwo ŵali nane, ndipo ŵakunilombera. Nkhakondwa chomene kumanya kuti ŵakunitemwa ndipo ŵakupempha Chiuta kuti wanovwire nilutilire kugomezgeka. Kwa ine, nkhuwuwona mwakupepuka yayi wovwiri uwu.

Nase tikukhozgeka na chiyelezgero cha Yelena cha kuŵikapo mtima kulutilira kuŵa wakukhora nangauli wakutambuzgika. Tikugomezga kuti Yehova wakuwona wose awo ‘ŵakulimbikira chifukwa cha makani ghawemi ndipo ŵalwani ŵawo ŵakutenthema nawo yayi mu nthowa yiliyose.’—Ŵafilipi 1:27, 28.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI