MARCH 22, 2023
RUSSIA

“Naŵikapo Mtima Kuchita Chilichose Icho Yehova Wanipempha Kuchita”

JULANI

Sonosono apa Khoti la Ashinskiy City ilo lili ku Chigaŵa cha Chelyabinsk lipelekenge chigamuro chake pa mulandu wa Mubali Vadim Fedorov. Wakwimira boma pa milandu wachali kughanaghanira chilango icho mubali uyu wangapika.

Vyakukhwaskana na munthu uyu

Vadim Fedorov

Chaka chakubabikira: 1968 (Rudny, Kazakhstan)

Mbiri yake: Wakagwiranga ntchito yakutumizga na kupokelera katundu

Wakatorana na Lyubov mu 1991. Ŵali na ŵana ŵankhondi

Wakanweka na uthenga wa mu Baibolo wa layizgo lakuti Chiuta wazamupeleka umoyo wamuyirayira. Iyo na muwoli wake ŵakabatikiza na kuŵa Ŵakaboni ŵa Yehova mu 1993

Ivyo Wakayowoya

Kasi Viyelezgero vya Ŵanji Awo Ŵakutambuzgika Vyamovwirani Wuli Kuti Muŵe Ŵachikanga?

Nkhaŵa na mwaŵi wakuchezga na ŵabali kweniso ŵadumbu ŵanandi awo ŵakakika mwasonosono chifukwa cha chipulikano chawo. Kuyowoya unenesko, nkhakhozgeka chomene nati nayowoya na Mubali Nikolay Kuzichkin. Iyo wakalwara chomene apo wakaŵa mu jele. Nangauli Mubali uyu ni muchekuru kweniso ngwakunyotwanyotwa, kweni nkhakhozgeka chomene kuwona umo wakazunuliranga mavesi ya mu Baibolo ghanandi pamtima. Vikaŵa vyakuwonekerathu kuti iyo wakughatemwa chomene Mazgu gha Chiuta kweniso kuti wali paubwezi wakukhora na Yehova. Ivi vikunikumbuska waka kuti uchekuru, ulwari, panji suzgo linyake lililose lakuthupi ilo tingasangana nalo lingatitondeska yayi kuŵa paubwezi wakukhora na Yehova. Apo nkhategherezganga kwa Mubali Nikolay, nkhakumbuka kuti nkhongono zakuluska zakawiro zikufuma kwa Chiuta.

Kasi suzgo ilo mwakumana nalo lamovwirani kuŵa na mikhaliro wuli?

Mwakawiro nyengo zinyake nkhuchita vinthu kwambura kughanaghanirapo chomene. Nyengo zinyake nkhuchita vinthu mwakuyana waka na umo najipulikira pa nyengo iyo. Kweni ivyo nakumana navyo vyanovwira kuti niŵe na mukhaliro wakuzikira, chomene para nkhwenera kulindilira Yehova na kumuzomerezga kuti walongozge vinthu pa umoyo wane. Naŵikapo mtima kuchita chilichose icho Yehova wanipempha kuchita.

Nga ni Vadim, tili na chigomezgo chose kuti Yehova watumbikenge na kupeleka nkhongono ku wose awo ŵakulutilira kumugomezga na “kwenda mu nthowa yake.”—Salimo 37:34.

Nyengo

June 11, 2021

Ŵapolisi ŵakanjira na kusecha nyumba ya Mubali Vadim na mwana wake Andrey
April 29, 2022

Mubali Vadim ŵakumughanaghanira kuti wali na mulandu
December 1, 2022

Khoti likamba kutegherezga mulandu

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI