1. Khoti la mu Msumba wa Partizansk ku Chigaŵa cha Primorye lipelekenge chigamuro chake sonosono apa pa mulandu wa Mudumbu Irina Buglak. Uyo wakwimira boma pa milandu wachali wandapemphe chilango icho mudumbu uyu wangapika

2. August 6, 2021

   Mulandu wa Irina ŵakawuwezgera ku Khoti la mu Msumba wa Partizansk kuti likawutegherezge

3. November 30, 2020

   Mulandu wa Irina ŵakawuwezgera ku ofesi ya wakwimira boma pa milandu chifukwa pakaŵavya ukaboni wakukwana

4. January 31, 2020

   Wafumiskika pa jele la panyumba wati wakhalapo mazuŵa 107

5. October 16, 2019

   Wati wasungika mu jele kwa mazuŵa 179, Irina wakafumiskika na kutumika pa jele la panyumba

6. April 20, 2019

   Apo nyengo yikaŵa 3 koloko mulenji, ŵamazaza ŵa FSB ŵakasecha nyumba ya Irina. Ŵamazaza aŵa ŵakati wali na mulandu wakulongozga na kuchitiska maungano gha chisopa. Ŵakaluta nayo ku jele lakusungirako ŵanthu uko ŵakasazgirako maulendo ghatatu nyengo yakumusungira

7. April 19, 2019

   Ŵa FSB 8 ŵakasecha nyumba ya Mudumbu Nelly Tarasyuk uyo wali na vyaka 80. Irina na mwana wake mwanakazi Natalya, nawo ŵakaŵa mu gulu la ŵadumbu awo ŵakaŵa mu nyumba iyi. Apo ŵakasechanga, Nelly wakalwara ndipo ŵakaluta nayo ku chipatala. Ŵadumbu ŵanyake wose ŵakakakika na kufumbika mafumbo usiku wose. Irina ŵakamusunga dankha mu jele

Tikulomba kuti Yehova walutilire kukhozga Irina pamoza na ŵabali na ŵadumbu ŵithu ŵakutemweka ku Russia mwakuti ŵalutilire kuzizipizga mwakuzikira kweniso mwachimwemwe.—Ŵakolose 1:11.