FEBRUARY 20, 2023
RUSSIA
“Niŵenge Wakuvikilirika Nyengo Zose Chikuru Yehova Wali Nane”
Pa February 17, 2023, Khoti la Gorno-Altayskiy ilo lili mu Msumba wa Altai likadumura mulandu wa Mubali Aleksandr Kalistratov kweniso wakapika chilango chakuti wakhale vyaka 6 na hafu kwambura kusangikaso na mulandu unyake. Kweni pa nyengo iyi wajalirikenge mu jele yayi.
Vyakukhwaskana na munthu uyu
Tili na chigomezgo chose kuti Yehova wakupulika mazgu gha ŵateŵeti ŵake ŵakugomezgeka usange ŵakumuchema mu nyengo ya suzgo.—2 Samuyeli 22:7.
Nyengo
2000
Wakakakika chifukwa cha kukana kunjira usilikari. Ŵakamuŵika mu jele mazuŵa 21. Paumaliro khoti likawona kuti walije mulandu uliwose
2010
Ŵakamupa mulandu wakuti wakuchita vinthu mwakutalulira. Mulandu wake ŵakawuwona kaŵiri ndipo paumaliro nkhani yake ŵakaluta nayo ku Khoti Likuru la ku Chigaŵa cha Altai, ndipo khoti ili likadumura kuti walije mulandu uliwose
December 16, 2021
Ŵakamupa mulandu
January 16, 2022
Ŵamazaza ŵakasecha nyumba 5 za Ŵakaboni ŵa Yehova ku Chigaŵa cha Altai. Ŵapolisi ŵa FSB ŵakanjira mu nyumba ya Kalistratov mwakuchita kuchichizga ndipo ŵakamutora Aleksandr kuti wakafumbike mafumbo. Wakafumiskika mise yeneyira ndipo wakazomerezgekanga yayi kufuma mu chigaŵa icho wakakhalanga
August 25, 2022
Khoti likamba kutegherezga mulandu wake
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.