MAY 17, 2024
RUSSIA

“Nili Chigaŵa cha Mbumba ya Yehova”

JULANI

Khoti la Vyselkovskiy ilo lili ku Chigaŵa cha Krasnodar sonosono apa lipelekenge chigamuro chake pa mulandu wa Mubali Sergey Dvurechenskiy. Wakwimira boma pa milandu wachali wandayowoye chilango icho Mubali Dvurechenskiy wangapika.

Vyakukhwaskana na munthu uyu

Sergey Dvurechenskiy

Chaka cha kubabikira: 1975 (Vyselki)

Mbiri yake: Wakugwira ntchito ya vyakuzenga

Ŵakamuchemerako ku maungano. Wakanweka na visambizgo vya mu Baibolo kweniso kuti Ŵakaboni ŵa Yehova ŵakuchita vinthu pakulondezga fundo za mu Baibolo. Wakabatizika mu 2001

Wakatorana na Yelena mu 2009

Ivyo Wakayowoya

Kasi suzgo ili lamusambizgani vichi?

Apo nkhulutilira kulimbana na chiyezgo ichi, Yehova wakunovwira kumanya makora mazgu gha pa lemba la Salimo 18:35 apo pakuti: “Mukunipa chiskango chinu cha chiponosko, woko linu lamalyero likunifighilira, ndipo kujiyuyura kwinu kwanikuzga.” Vesi ili likunikumbuska kuti Yehova nyengo zose wanipenge wovwiri uwo nkhukhumbikwira, chomenechomene kwizira mu ŵabali na ŵadumbu ŵane. Nyengo zose ŵakunovwira, nkhujiwona kuti ŵakunighanaghanira, ndipo ivi vikunovwira kuti nyengo zose niŵawongenge. Tose ndise ŵakukolerana. Ntchakukondweska kumanya kuti nili chigaŵa cha ŵasopi ŵa mbumba ya Yehova.

Tikukhozgeka na chipulikano cha Mubali Sergey kweniso ŵanji awo nawo wawona kuti Yehova “ntchiskango ku wose awo ŵakubisama mwa iyo.”—Salimo 18:30.

Nyengo

February 13, 2022

Ŵakasecha nyumba zakukwana 31, kusazgapo na nyumba ya Mubali Sergey, ku Vyselki kweniso na nyumba izo zili mu matawuni ghapafupi
June 15, 2023

Ŵakamujulira mulandu
August 10, 2023

Wakakanizgika kwenda kuluta ku vigaŵa vinyake
February 8, 2024

Khoti likamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI