OCTOBER 18, 2022
RUSSIA
“Nili Wakukondwa Kuchitira Ukaboni Zina la Yehova”
Pa October 10, 2022, Khoti la Kezhemskiy ilo lili ku Chigaŵa cha Krasnoyarsk likati Mubali Ildar Urazbakhtin wali na mulandu. Wakapika chilango chakuti waleke kusangikaso na mulandu vyaka vitatu ndipo pasono wakweneleraso kuluta ku jele yayi.
Nyengo
July 20, 2021
Ŵakasecha nyumba zinkhondi za Ŵakaboni ŵa Yehova mu msumba wa Kodinsk, kusazgapo nyumba ya Ildar na mbumba yake. Ŵakamusunga dankha mu jele
July 21, 2021
Wakafumiskika mu jele na kutumika pa jele la panyumba. Wakakanizgika kugwiliskira ntchito foni panji Intaneti
September 20, 2021
Wakafumiskika pa jele la panyumba ndipo ŵakamukanizga kwenda kufuma mu chigaŵa icho wakakhalanga
January 13, 2022
Ŵakamupa mulandu wakuti wakachitiskanga ungano pa video conference apo “wakasambizganga Baibolo na kuchiska ŵabali na ŵadumbu kuti ŵawovwiranenge yumoza na munyake”
March 30, 2022
Khoti likamba kutegherezga mulandu wake
Vyakukhwaskana na munthu uyu
Masuzgo agho Ildar wakasangana nagho kweniso ivyo vikuchitikira ŵabali na ŵadumbu ku Russia vikutikumbuska kuti Chiuta withu, Yehova, ngwakukhumbisiska kweniso ngwakunozgeka kutovwira mu “nyengo ya suzgo.”—Salimo 46:1.
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.