SEPTEMBER 9, 2022
RUSSIA
“Nili na Chimwemwe Chikuru Chomene Kuluska Kumanyuma Kose UKu”
Khoti la Sosnovoborsk ku Chigaŵa cha Krasnoyarsk lipelekenge chigamuro chake sonosono apa pa mulandu wa Mubali Yuriy Yakovlev. Wakwimira boma pa milandu wachali wandapemphe chilango icho wangapika.
Nyengo
June m’paka December 2021
Ŵamazaza ŵakamba kutegherezga mwakubisilizga ivyo Yuriy wakayowoyanga pa foni kweniso kumuŵendaŵenda kuti ŵamanye ivyo wakuchita
March 28, 2022
Ŵakamujulira mulandu. Ŵakamupa mulandu wakuti wakupangiska maungano gha gulu ilo likuchita vinthu vyakofya kwizira pa videoconference. Ŵamazaza ŵakasecha nyumba ya Yuriy kwambura vimakalata vyakuŵazomerezga
March 29, 2022
Ŵakasecha nyumba 5 za Ŵakaboni ŵa Yehova kweniso nyumba ya munthu uyo Yuriy wakasambiranga nayo Baibolo. Yuriy ŵakamukaka na kumusunga dankha
March 30, 2022
Wakasungika dankha mu jele kulindilira kuti mulandu wake weruzgike
June 20, 2022
Khoti likamba kutegherezga mulandu wake
Vyakukhwaskana na munthu uyu
Tikugomezga kuti Yehova walutilirenge kovwira na kupeleka nkhongono ku ŵateŵeti ŵake ŵakugomezgeka apo ŵakulutilira kumuthemba.—Yesaya 40:31.
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.