MAY 21, 2024
RUSSIA

Nili na Mwaŵi Ukuru Kuvikilira Zina la Yehova

JULANI

Khoti la Biysk ilo lili ku chigaŵa cha Altai sonosono apa lipelekenge chigamuro chake pa mulandu wa Mubali Sergey Lukin. Wakwimira boma pa milandu wachali wandapemphe chilango icho mubali uyu wangapika.

Vyakukhwaskana na munthu uyu

Sergey Lukin

Chaka cha kubabikira: 1971 (Biysk)

Mbiri yake: Wakuchita ulimi wa somba

Wakatorana na Yelena mu 1991. Ŵali na mwana mwanalume na mwanakazi kweniso muzukuru mwanakazi

Amama ŵa Sergey ŵakabatizika kuŵa yumoza wa Ŵakaboni ŵa Yehova mu chaka cha 1998. Ndipo ŵakamuchiska Sergey kuti waŵazgenge Baibolo. Wakati waŵazga, wakakhorwa kuwona kuti Baibolo lose ndakukolerana. Wakabatizika mu 2010

Ivyo Wakayowoya

Kasi ni vesi wuli mu Baibolo ilo likumukhozgani chomene?

Nati naŵa waka Kaboni wa Yehova, nkhakumana na masuzgo ghanandi. Ntchito yikanimalira kweniso nkhasuskikanga na ŵa mu mbumba yane. Masuzgo agha ghakanipangiska kuti nigongowe. Kweni lemba la Salimo 118:6 likanikhozga chomene, ilo likuti: “Yehova wali kwa ine, niwopenge chara. Kasi munthu wangachitachi kwa ine?” Para sono nasangana na masuzgo, nkhusanga nkhongono kwizira mu lemba ili. Mwachiyelezgero, apo ŵaboma ŵakiza kuzakasecha nyumba yane kweniso apo nkhatoleka kukafumbika mafumbo, nkhamanya kuti nkheneranga kuchita wofi yayi. Yehova wakanipa mtende wanadi, ndipo ukanovwira kuti nimazge wofi. Vikanikumbuska kughanaghanira umo ŵapositole ŵakajipulikira pamanyuma pakuti ŵathyapulika chifukwa chakuchitira ukaboni zina la Yesu. Nkhumanya makora chomene kuti napika mwaŵi ukuru kuvikilira zina la Yehova. Nkhukhumba kuchita vyose ivyo ningafiska kuti niŵe wakwenelera mwaŵi uwu.

Ndise ŵakukondwa na chiyelezgero cha Sergey, chifukwa chikutikumbuska kuti chitemwa chithu kwa Yehova “chikuwuskapo wofi.”—1 Yohane 4:18.

Nyengo

December 1, 2022

Ŵakamujulira mulandu
January 25, 2023

Ŵakasecha nyumba kweniso ofesi yake. Wakafumbika mafumbo ndipo wakakanizgika kwenda kuluta ku vigaŵa vinyake
January 25, 2024

Khoti likamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI