Khoti la Barnaul ilo lili ku Chigaŵa cha Altai lipelekenge chigamuro chake sonosono apa, pa mulandu wa Mubali Pavel Kazadaev. Wakwimira boma pa milandu wachali wandapemphe chilango icho wangapika.

Chipulikano chithu chikukhora chomene para tikuwona ŵanthu ŵa Yehova ŵakulutilira kuŵa ŵakukhora mwauzimu kweniso kuti ŵakukondwa nanga ŵasangane na viyezgo.—Mateyu 5:11.

1. May 11, 2021

   Ŵakamujulira mulandu

2. May 27, 2021

   Ŵapolisi awo ŵakajichemanga “Aramagedoni,” ŵakiza na kusecha nyumba ya Pavel ku Novokuznetsk kweniso nyumba za ŵabali ŵake awo ŵakakhalanga ku chigaŵa chinyake. Pavel na muwoli wake ŵakaŵatora kuti ŵakafumbike mafumbo ku Barnaul, msumba wa makilomita 350 kufuma pa nyumba yawo. Wakapika mulandu wakuti wakachitanga milimo ya gulu ilo likuchita vinthu mwakutalulira ndipo ŵakamuŵika mu jele ilo ŵakusungirako ŵanthu awo mulandu wawo underuzgike

3. May 28, 2021

   Wakafumiskika mu jele kweni wakakanizgika kufuma mu chigaŵa icho wakakhalanga

4. August 12, 2022

   Khoti likamba kutegherezga mulandu