MAY 9, 2024
RUSSIA

“Nkhughanaghanira Chomene Vya Munthazi”

JULANI

Khoti la Msumba wa Lesosibirsk ilo liri ku Chigaŵa cha Krasnoyarsk sonosono apa lipelekenge chigamulo chake pa mulandu wa Mubali Andrey Shiyan. Wakwimila boma pa milandu wachali wandayowoye chilango icho mubali uyu wangapika

Vyakukhwaskana na munthu uyu

Andrey Shiyan

Chaka chakubabikira: 1969 (Lesosibirsk, Chigaŵa cha Krasnoyarsk)

Mbiri yake: Wakagwiranga ntchito yakulawilira katundu uyo wakunjira na kufuma

Wakatorana na Inna mu 1992. Ŵali na mwana mwanakazi yumoza

Inna, pamoza na amama ŵake kweniso na mudumbu wake muchoko ndiŵo ŵakaŵa ŵakwamba kusambira Baibolo na Ŵakaboni ŵa Yehova. Andrey wakazomera kuluta ku maungano ndipo wakakondwa kuwona kukolerana kwa ivyo Baibolo likuyowoya

Inna wakabatizika mu 2001, ndipo Andrey mu 2002

Ivyo Wakayowoya

Kasi ntchivichi chikumovwirani kuŵa na mtende wa mumtima?

Najiwonera nekha ivyo lemba la Ŵaroma 15:13 likuyowoya, ilo likuti: “Mphanyi Chiuta uyo wakupeleka chigomezgo wamupani chimwemwe chikuru na mtende chifukwa mukumugomezga, mwakuti kwizira mu nkhongono ya mzimu utuŵa muŵe na chigomezgo chikuru.” Kughanaghanirapo pa chigomezgo chane kukunovwira kuti nilutilire kuzizipizga. Para namba kuchita wofi panji kugongowa nkhuyelezgera kujiwona kuti nili mu charu chiphya. Ndipo kanandi para nkhughanaghanira kuti nili mu charu chiphya nkhuŵavya wofi pa ivyo vikuchitika. Kuchita nthena kukunipa nkhongono ndipo vikunovwira kuti nilutilire kuŵika maghanoghano ghane pa ivyo ine kweniso waliyose wa ise wakulindizga munthazi.

Nga Andrey, nase tikwenera kusanga chisangulusko na nkhongono mu malayizgo gha Yehova apo tikuzomerezga ‘mazgu ghake kuŵa chigomezgo chithu’—Salimo 119:114.

Nyengo

November 25, 2021

Ŵakasecha nyumba yake
April 11, 2023

Ŵakasechaso nyumba yake. Ŵakamujulira mulandu. Wakakanizgika kwenda kuluta ku vigaŵa vinyake
December 29, 2023

Ŵakamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI