Khoti la Kovrovskiy ilo lili ku Chigaŵa cha Vladimir sonosono apa lipelekenge chigamuro chake pa mulandu wa Mubali Aleksey Kupriyanov. Wakwimira boma pa milandu wachali wandapemphe chilango icho wangapika.

Nase tili ŵakukhumbisiska kugwiliskira ntchito mwamahara ivyo Yehova wakutipa, ndipo vizamutovwira kuti ‘tivware vyankhondo vyose’ mwakuti ‘titchinthe pakulimbana na mauryarya gha Dyabulosi.’—Ŵaefeso 6:11.

1. February 17, 2021

   Ŵamazaza ŵakasecha nyumba 7 za Ŵakaboni ŵa Yehova, pamoza na nyumba ya Kupriyanov. Ŵabali na ŵadumbu 23 ŵakaŵatora kuti ŵakafumbike mafumbo

2. June 28, 2021

   Ŵakamupa mulandu wakuti wakachitanga milimo ya gulu ilo ŵakuti likuchita vinthu mwakutalulira kweniso chifukwa cha kuŵapo pa maungano

3. July 8, 2021

   Ŵakasecha nyumba kachiŵiri. Wakafumbika mafumbo na kumuŵika mu jele lakusungirako awo milandu yawo yinderuzgike

4. July 9, 2021

   Ŵakamusamuska ku jele lakusungirako awo milandu yawo yinderuzgike

5. November 19, 2021

   Wakafwatulika mu jele ndipo wakaŵikika pa jele la panyumba

6. June 21, 2022

   Wakafwatulika pa jele la panyumba kweni ŵakamukanizga kuluta ku malo ghanyake kweniso kuchita vinthu vinyake

7. October 4, 2022

   Khoti likamba kutegherezga mulandu wake