MAY 22, 2023
RUSSIA

“Ntchakawiro Kuchita Wofi, Kweni Wamunthu Ungasankha Kuchita Chikanga”

JULANI

Pa March 24, 2023, Khoti la Zheleznodorozhny ilo lili ku Chigaŵa cha Krasnoyarsk likati Mudumbu Nataliya Voropaeva wali na mulandu. Mudumbu uyu ŵali kumulipiska ndalama zakukwana madora 4,730 gha ku America.

Vyakukhwaskana na munthu uyu

Nataliya Voropaeva

Chaka cha kubabikira: 1971 (Krasnoyarsk)

Mbiri yake: Wakugwira ntchito ya kunozga sisi

Wakajifumbanga kuti usange Chiuta waliko, chifukwa wuli pa charu pali masuzgo ghanandi nthena? Ŵakaboni ŵa Yehova ŵakamulongora mazgoro gha mafumbo ghake kufuma mu Baibolo. Wakabatizika mu 1996

Ivyo Wakayowoya

Kasi ŵabali na ŵadumbu ŵamovwirani wuli?

Apo wakayowoyanga mazgu ghake ghaumaliro ku khoti, Mubali Feliks Makhammadiyev wakati: “Kuŵa wekha kwambura ŵabwezi vikuyana waka na kukhala mu charu icho ntchambura ungweru.” Fundo iyi njaunenesko nadi. Nyengo zose ŵabwezi ŵane ŵakunovwira chomene na kunikhozga. Pa nyengo iyo ŵapolisi ŵakafufuzanga mulandu wane, nkhawa pasi na kuphyoka kalundi. Kwa myezi yiŵiri nkhaŵa kuti ningachita chilichose yayi panekha pamanyuma pakuti ŵanichita opareshoni. Ŵabali na ŵadumbu ndiwo ŵakanovwiranga pa nkhani ya mendero, kukagura vyakukhumbikwa, kuniphikira chakurya, ndipo ŵakachitanga chilichose icho ŵangafiska kuti ŵanovwire. Ndipo ŵabali na ŵadumbu ŵakujumpha 100 ŵakiza pa nyengo iyo ŵakadumuranga mulandu wane. Nkhuwonga chomene Yehova chifukwa chakunipa ŵabwezi ŵawemi nthena. Wovwiri wawo ukanikumbuska fundo yakuti palije icho chingamutondeska Yehova kuti wanilongore chitemwa chake.

Kasi mwasambirapo vichi pa ivyo vikamuchitikirani?

Namanya fundo yakuti ntchakawiro kuchita wofi, kweni wamunthu ungasankha kuchita chikanga. Chikanga chane chikukura chomene chifukwa nkhumanya kuti nkhukondweska Yehova. Apo nkhulutilira kukhozga ubwezi wane na Yehova kweniso kuŵerenga Mazgu ghake zuŵa lililose, nkhuwonerathu kuti woko la Yehova lili pa ine. Ivi vyanikhozga chomene kumanya kuti Yehova wanovwirenge nyengo zose.

Nga Nataliya, nase taŵikapo mtima kuŵa “ŵakukhwima mtima na kuyowoya kuti: ‘Yehova ni movwiri wane, nopenge chara.’”—Ŵahebere 13:6.

Nyengo

November 2017–November 2020

Ŵapolisi ŵakalaŵiliranga ivyo wakachitanga kweniso ŵakasecha nyumba yake. Ŵakamufumba mafumbo kuti ŵamanye vyakukhwaskana na Mubali Andrey Stupnikov
September 5, 2022

Ŵakamujulira mulandu
September 6, 2022

Wakakanizgika kwenda kufuma mu chigaŵa icho wakakhalanga
October 20, 2022

Wakapika mulandu
February 27, 2023

Khoti likamba kutegherezga mulandu wake
March 24, 2023

Ŵakamulipiska ndalama zakukwana madora 4,730 gha ku America

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI