APRIL 28, 2023
RUSSIA

“Palije Icho Chinganipoka Chimwemwe”

JULANI

Khoti la Kovrovskiy ilo lili ku Chigaŵa cha Vladimir sonosono apa lipelekenge chigamuro chake pa mulandu wa Mubali Roman Adestov. Wakwimira boma pa milandu wachali wandapemphe chilango icho Mubali Adestov wangapika.

Vyakukhwaskana na munthu uyu

Roman Adestov

Chaka cha kubabikira: 1976 (Kovrov)

Mbiri yake: Adada ŵake ŵakafwa apo Roman wakaŵa na vyaka 13. Wakugwira ntchito ya vyakotchelera visulo

Wakatorana na Alina mu 1999. Ŵali na mwana yumoza mwanakazi

Wakakondwa wati wawona kuti fundo za mu Baibolo zamovwira kusintha umoyo wake. Alina wakabatizika na kuŵa yumoza wa Ŵakaboni ŵa Yehova mu 2005 ndipo Roman wakabatizika mu 2006

Ivyo Wakayowoya

Kasi ŵabali na ŵadumbu ŵamovwirani wuli?

Ntchakukondweska chomene kumanya kuti nili pakati pa ŵanthu ŵa pa charu chose awo ŵakumutemwa Yehova nga umo nane nkhumutemwera! Kweniso nkhukhozgeka na malurombo gha ŵabali na ŵadumbu ŵane ŵakutemweka agho ghakunovwira kuti nilutilire kuteŵetera Yehova na kulutilira kwenda pa nthowa yakuya ku umoyo ya mu charu chiphya. Ine na muwoli wane tikalondezga ulongozgi uwo mubali wakatipa. Wakatikumbuska kuti tikwenera yayi kuleka kughanaghanira ŵanji. Usange tingaleka tingaŵa ŵakukondwa yayi. Tikuyezgayezga kuchita ivyo tingafiska ku ŵanyithu, ndipo kuchita ivi kukutovwira kuti tileke kufipa chomene mtima na masuzgo ghithu. Nkhuwonga chomene Yehova kuti wali kunitora kuŵa pakati pa mbumba yake yikuru yauzimu.

Kasi ntchivichi chikumovwirani kuti muwonenge vinthu mwakwenelera nangauli mukumanya yayi icho chingamuchitikirani?

Palije icho chingatovwira kumanya icho chichitikenge machero, ndipo ninganozgekera yayi chilichose icho chingachitika. Ndipouli, nili na chigomezgo chose kuti Yehova wakunovwira kuti nileke kuthera mu charu chiheni ichi kweniso kuti nilutilire kuŵa wakugomezgeka kwa iyo. Ndipo usange niŵikengepo mtima kumuteŵetera na mtima wose Chiuta wane, Yehova, palije icho chinganipoka chimwemwe.

Tili na chigomezgo chose kuti Yehova, “Jalawe lamuyirayira” walutilirenge ‘kusungilira awo ŵakuyegamira kwa iyo fikepo’ ndipo paumaliro ‘wazamuŵapa mtende wambura kumara.’—Yesaya 26:3, 4.

Nyengo

June 28, 2021

Ŵakamupa mulandu
July 8, 2021

Ŵakasecha nyumba yake. Wakakakika
July 9, 2021

Wakajalirika mu jele
November 25, 2021

Wakafumiskika mu jele na kuŵikika mu jele la panyumba
June 21, 2022

Wakafumiskika mu jele la panyumba ndipo wakakanizgika kwenda kufuma mu chigaŵa icho wakhalanga
September 26, 2022

Khoti likamba kutegherezga mulandu wake

Wonaniso

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI