FEBRUARY 20, 2023
RUSSIA

“Palije Icho Ningatondeka Kuzizipizga”

JULANI

Khoti la Kuznetskiy ilo lili ku Chigaŵa cha Novokuznetsk lipelekenge chigamuro chake sonosono apa pa mulandu wa Mudumbu Lyubov Serebryakova. Wakwimira boma pa milandu wachali wandapemphe chilango icho wangapika.

Vyakukhwaskana na munthu uyu

Lyubov Serebryakova a

Chaka cha kubabikira: 1950

Mbiri yake: Mfumu wake wali kufwa mu 1999 apo wakaŵa na ŵana ŵaŵiri ŵanyamata ndipo mwana wake muchoko wakaŵa na vyaka 9. Wakasambira Baibolo na Ŵakaboni ŵa Yehova. Wakabatizika mu 2001

Ivyo Wakayowoya

Kasi nthambuzgo yakhwaska wuli ubwezi winu na Yehova?

Pasono nkhulomba kwa Yehova pafupipafupi kweniso mwakudunjika. Zuŵa lililose, nkhuwona kuti Yehova wakunipwelelera ndiposo kunovwira. Kuumaliro wa zuŵa lililose, nkhumuwonga chifukwa wakunovwira kuti nileke kwenjerwa kweniso nkhuŵa na mtende wa mu mtima. Ndipo nyengo zose nkhuwona kuti Yehova wakuŵa nane pafupi. Nkhumanya kuti wakunipulikiska. Palije uyo wakunitemwa kuluska umo Yehova wakunitemwera. Ndipo nili na chigomezgo chose kuti na wovwiri wake kweniso wovwiri wakufuma ku ŵabwezi ŵane ŵakugomezgeka, palije icho ningatondeka kuzizipizga.

Lyubov wakuthemba chomene Yehova, chifukwa wakumanya kuti ‘wamovwirenge,’ ndipo ichi ntchiyelezgero chiwemi chomene kwa tose usange tingasangana na masuzgo ghakuyana waka.—Salimo 37:5.

Nyengo

November 2019-2020

Ŵakaboni ŵa Yehova ŵanandi ku Novokuznetsk, mwakubisilizga ŵakaŵajambura ivyo ŵakayowoyanga kwizira pa foni kweniso kuŵajambura vidiyo
July 8, 2022

Lyubov ŵakamba kumufufuza chifukwa chakuchita maungano gha Ŵakaboni ŵa Yehova kweniso kuti wakadumbiskananga na ŵanji vya Baibolo
July 26, 2022

Ŵakamupa mulandu wakuti wakuchita vinthu na gulu ilo likuchita vinthu mwakutalulira. Ŵakamukanizga kwenda kufuma mu chigaŵa icho wakakhalanga
September 21, 2022

Khoti likamba kutegherezga mulandu wake