DECEMBER 27, 2022
RUSSIA
“Para Tasangana na Nthambuzgo, Yehova Wakutipa Nkhongono”
Khoti la Apatity City ilo lili ku Chigaŵa cha Murmansk sonosono apa lipelekenge chigamuro chake kwa Mubali Denis Merkulov. Wakwimira boma pa milandu wachali wandapemphe chilango icho wangapika.
Vyakukhwaskana na munthu uyu
Tikupembuzgika kumanya kuti masuzgo nanga ghaŵe gha mtundu uli, kweni ubwezi withu na Yehova ndiposo chigomezgo chithu mwa iyo ndivyo ‘vitikhozgenge na kutizgora ŵankhongono.’—1 Petrosi 5:10.
Nyengo
July 21, 2021
Ŵapolisi ŵakasecha nyumba 14 za Ŵakaboni ŵa Yehova mu chigaŵa chose cha Apatity. Mwakuchichizga ŵapolisi ŵa FSB ŵakanjira mu nyumba ya Mubali Merkulov na muwoli wake kuti ŵakaŵafumbe mafumbo. Ŵakaŵafumiska 4 koloko mulenji zuŵa lakulondezgapo
July 22, 2021
Ŵapolisi ŵakalangura kuti Denis waluteso ku ofesi yakufufuza kuti wakafumbike mafumbo. Ŵakamuŵika ku jele lakulindilirako
July 23, 2021
Ŵakamufumiska na kumuŵika pa jele la panyumba
September 17, 2021
Ŵakamufwatura pa jele la panyumba na kumukanizga kwenda kuluta ku chigaŵa chinyake
July 15, 2022
Wakapika mulandu chifukwa chakuchitako milimo ya gulu ilo ŵakuti likuchita vinthu mwakutalulira nga “nkhwimba sumu” kweniso “kulomba kwa Yehova Chiuta”
September 20, 2022
Khoti likamba kutegherezga mulandu