MAY 6, 2022
RUSSIA

Tatyana Obizhestvit Wakuthemba Yehova

JULANI

Khoti la Vakhitovskiy ilo lili ku Kazan ku Republic of Tatarstan lipelekenge chigamuro chake sonosono apa pa mulandu wa Mudumbu Tatyana Obizhestvit. Wakwimira boma pa milandu wachali wandapemphe chilango icho wangapika.

Nyengo

January 19, 2020

Ŵamazaza ŵakasecha nyumba ya Tatyana na nyumba zinyake za Ŵakaboni ŵa Yehova ku Kazan. Tatyana wakafumbika mafumbo ndipo pamanyuma wakatumika ku jele lakusungirako ŵanthu awo mulandu wawo underuzgike
January 21, 2020

Wakafumiskika mu jele na kutumika pa jele la panyumba
May 25, 2021

Khoti likamba kutegherezga mulandu wake

Vyakukhwaskana na munthu uyu

Tatyana Obizhestvit

Chaka cha kubabikira: 1962 (Kazan)

Mbiri yake: Wakasambira sukulu ya vyakuphika. Wakagwirapo ntchito ya kuphika pa sukulu yinyake ndipo kufuma apo wakamba kugwira ntchito ya unesi

Wakamba kusambira Baibolo na Ŵakaboni ŵa Yehova ndipo wakakondwa chomene kumanya fundo yakuti wangazakakhala na umoyo muyirayira. Nangauli ŵamumbumba yakwake ŵakamususkanga chomene, kweni wakabatizika mu 1995. Wali na ŵana ŵaŵiri ŵanakazi. Mfumu wake wakafwa mu 2010

Ivyo Wakayowoya

Ntchivichi chamovwirani kuti muleke kugongowa apo mwanguŵa pa jele la panyumba?

Kanandi nkhulomba kwa Yehova na kumupempha kuti wanipe nkhongono zakuzizipizgira ivyo nkhukumana navyo . . . Ŵati ŵanituma pa jele la panyumba, nkhaŵa kwanekha. Nkhakanizgika kugwiliskira ntchito foni, kompyuta panji chilichose kuti niyowoyeskane na ŵanyane ku mpingo, panji kuchezga na waliyose. Pakwamba vikanisuzganga chomene. Nkhongono zikanimaliranga. Ndipouli, nkhayezga kuleka kukhalira waka kughanaghanira vya umo vinthu viliri pa umoyo wane. Kumanya chifukwa icho vyose ivi vikachitikiranga, kukanovwira kukumbuka fundo yakuti nkhusuzgika chifukwa chakuti nkhumutemwa Yehova ndipo nkhukhumba kumukondweska. Ivi vikanipangiska kuti nileke kujighanaghanira waka nekha.

Tikukhozgeka chomene na chiyelezgero cha Tatyana cha kulutilira kuthemba Yehova na kuleka kugomezga waka kapulikiskiro kake apo wakulutilira kuzizipizga mwakugomezgeka.—Zintharika 3:5.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI