APRIL 27, 2023
RUSSIA

“Tikusoŵapo Kanthu Chara”

JULANI

Khoti la Maiminskiy ilo lili ku Chigaŵa cha Altai sonosono apa lipelekenge chigamuro chake pa mulandu wa Mubali Sergey Petrenko. Wakwimira boma pa milandu wachali wandapemphe chilango icho Mubali uyu wangapika.

Vyakukhwaskana na munthu uyu

Sergey Petrenko

Chaka cha kubabikira: 1979 (Ulan-Ude, Republic of Buryatia)

Mbiri yake: Wakagwiranga ntchito ya kotchelera visulo na yakunozga nyumba

Wakamba kusambira Baibolo na Ŵakaboni ŵa Yehova pamoza na mbumba yake. Wakakondwa chomene kumanya nkhani yakukhwaskana na chiwuka. Wakabatizika mu 1996

Wakatorana na Uliana mu 2013

Ivyo Wakayowoya

Kasi Yehova wamovwirani wuli imwe na mbumba yinu?

Kwa myezi yinandi waka pamanyuma pakuti mulandu wane waluta ku khoti, awo ŵakanilemba ntchito ŵakakhumbanga yayi kuti nilutizge kugwira ntchito ndipo ŵakaniphalira kuti nileke. Ivi vikapangiska kuti chiŵe chakusuzga kupwelelera mbumba yane mwakuthupi. Kweni vikanovwira kuti nithembenge chomene Yehova na kuwona umo wakunovwilira. Mwachiyelezgero, ŵabali na ŵadumbu ndiwo ŵakunovwira chomene. Ŵakutilombera, ŵakwiza kuzakategherezga mulandu wane ku khoti, nanga nkhunipa vinthu vyakukhumbikwa vyakuthupi. Kwamba waka apo ŵakanipa mulandu, tikusoŵapo kanthu chara.

Nga Sergey, tikumanya kuti Yehova watondekengepo yayi kutovwira usange tilutilirenge kuzizipizga mwakugomezgeka.—2 Samuyeli 22:19, 20.

Nyengo

January 16, 2022

Ŵakasecha nyumba yake
July 28, 2022

Ŵakamupa mulandu
December 7, 2022

Wakakanizgika kwenda kufuma mu chigaŵa icho wakakhalanga
December 22, 2022

Khoti likamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI