Khoti la Avtozavodskiy ilo lili ku Nizhny Novgorod, mwasonosono apa ligamurenge mulandu wa Mubali Gevorg Gevorkyan. Wakwimira boma pa milandu wachali wandapemphe chilango icho mubali uyu wangapika.

1. July 17, 2019

   Ŵapolisi ŵakasecha nyumba yake. Ŵakamupoka mafoni, laputopu na matabuleti kweniso vikalata vinyake.

2. July 18, 2019

   Ŵakamukakira ku ntchito kwake na kuluta nayo kuti ŵakamufumbe mafumbo. Ŵakamusunga kwa maora 10

3. August 26, 2021

   Ŵakamukanizga kufuma mu chigaŵa icho wakakhalanga

4. November 24, 2021

   Ŵakamupa mulandu wakuti wakachitiskanga maungano gha Ŵakaboni ŵa Yehova

5. January 26, 2022

   Mulandu ŵakawuwezgera kwa wakwimira boma pa milandu

Nga umo vinthu viliri kwa Gevorg, vikulongolerathu kuti, kukumbuka fundo yakuti “visuzgo vyakuyana waka vikuŵachitikira ŵabali ŵinu wose awo ŵali mu charu” kungatovwira kwimikana na Satana na kulutilira kuŵa “ŵakukhora mu chipulikano.”—1 Petrosi 5:9.