Khoti la Yugorskiy ilo lili ku Chigaŵa cha Khanty-Mansi Autonomous—Yugra lipelekenge chigamuro chake sonosono apa pa mulandu wa Mubali Andrey Zhukov. Wakwimira boma pa milandu wachali wandapemphe chilango icho wangapika.

1. August 17, 2020

   Ŵamazaza ŵakamujulira mulandu Andrey, wakuti wakuchita maungano mwakubisilizga gha gulu ilo likuchita “vinthu vyakofya”

2. August 19, 2020

   Nyumba 9 za Ŵakaboni ŵa Yehova zikasecheka, kusazgapo na nyumba ya Andrey. Ŵakamusunga dankha mu jele

3. August 20, 2020

   Wakafumiskika na kukanizgika kuchita vinthu vinyake

4. January 14, 2021

   Wakaŵikika mu gulu la ŵanthu awo ŵakuchita vinthu vyakofya, ndipo ma akaunti ghake gha ku banki ŵakamujalira

5. August 4, 2021

   Ŵamazaza ŵakasazgirako milandu iyo ŵakamupanga, ŵakati wali na mulandu chifukwa cha “kulomba kwa Yehova Chiuta, kuchita maungano gha chisopa, na kuŵazga mabuku gha chisopa.” Kufuma apo, ŵakamufumba mafumbo

6. October 15, 2021

   Ŵamazaza ŵakakana pempho lakuti ŵamazge milandu iyo ŵakamupanga

7. December 29, 2021

   Khoti likamba kutegherezga mulandu wake

Wovwiri uwo Yehova wakumupa Andrey na ŵabali na ŵadumbu wose awo ŵakutambuzgika ukulutilira kupeleka ukaboni wa ‘uwemi wake,’ kweniso kuti iyo ni “movwiri na musanguluski [withu].”—Salimo 86:17.