MARCH 19, 2024 | UPDATED: APRIL 23, 2024
RUSSIA

YASONO—ŴAKUTORANA AWO ŴASANGIKA NA MULANDU | ‘Yehova Ndiyo Wakunipembuzga’

JULANI

Khoti la msumba wa Petropavlovsk-Kamchatskiy chigaŵa cha Kamchatka sonosono apa lipelekenge chigamulo chake pa mulandu wa mubali Sergey Chechulin na muwoli wake Yelena Chechulina. Uyo wakwimira boma pa milandu wachali wandayowoye chilango icho mbumba iyi yingapika.

Vyakukhwaskana na ŵanthu aŵa

Sergey Chechulin

Chaka chakubabikira: 1968 (chigaŵa cha Tymlat Kamchatka)

Mbiri yake: Wakakulira ku malo ghakusungirako ŵana ŵalanda. Wakugwira ntchito yakunozga vinthu ku kampani

Mubwezi wake uyo wakaŵa kuti wamba waka kusambira Baibolo na Ŵakaboni ŵa Yehova ndiyo wakamuchemera ku maungano gha mpingo. Sergey wakasanga mazgoro ghakukhorweska gha mafumbo agho wakaŵa nagho. Wakabatizika mu 1995

Wakatorana na Yelena mu 2000. Ndipo ŵali na mwana mwanalume yumoza

Ivyo Wakayowoya

Kasi ni lemba wuli ilo lamovwirani chomene imwe na muwoli winu?

Pasono tikuzomerezgeka yayi kuluta kulikose, ŵali kutipoka galimoto yithu kweniso ŵali kujala dankha akaunti yithu ya ku banki mwakuti tingagwiliskira yayi ntchito ndalama zithu. Kweni sono ndipo tikulipulikiska chomene lemba la Salimo 55:22 ilo likuti: “Katundu wako umuthwikiske Yehova, Ndipo wakovwirenge. Wazomerezgenge chara kuti murunji wawe.” Yehova wali kulayizga kuti walutilirenge kutovwira nyengo zose. Chifukwa cha wovwiri wake masuzgo agho takumana nagho ghandatiwezgere nyuma yayi. Tikusambira kugomezga chomene Yehova kweniso ŵabali na ŵadumbu. Ndipo taŵikapo mtima chomene kulutilira kumusopa mulimose umo tingafiskira.

Yelena Chechulina

Chaka chakubabikira: 1978 (Petropavlovsk-Kamchatskiy)

Mbiri yake: Wakugwira ntchito yaunesi

Amama ŵake ŵa Yelena ndiwo ŵakamba kusambira Baibolo na Ŵakaboni ŵa Yehova. Ivi ndivyo vikamovwira Yelena kuti nayo waŵe na khumbo lakusambira ndipo wakapempha sambiro la Baibolo. Wakabatizika mu 2000

Wakatorana na Sergey mu 2000

Ivyo Wakayowoya

Kasi mwasambira vichi vyakukhwaskana na Yehova panyengo ya masuzgo iyi?

Nkhuwona kuti usange vinthu vikusintha pa umoyo wane, ndipo nkhulipulikiska chomene Baibolo. Mwachiyelezgero panyengo iyo nkhujumpha mu suzgo iyi ndipo nkhupulikiska makora chomene mazgu gha Paulosi agho ghali pa Ŵaroma 8:38, 39 ghakuti: “Pakuti nakhorwa ine kuti nanga ni nyifwa, umoyo, ŵangelo, maboma, vinthu ivyo viliko sono, vinthu ivyo vikwiza, nkhongono, kutumphuka, kunyang’amira, panji chilengiwa chinyake chilichose, vitipaturenge yayi ku chitemwa cha Chiuta icho chili mwa Khristu Yesu Fumu yithu.” Usange Yehova wakhumba kuti wanilongore chitemwa chake, palije icho chingamutondeska kuchita nthena. Ndipo wakuchita nthena munthowa yakuti nkhukayika napachoko yayi kuti ndiyo wakunipembuzga. Yehova wakukhala chete panji kubisa chitemwa pa ŵateŵeti ŵake yayi. Nkhumanya kuti ivyo vikunichitikira sono, vizamunovwira chomene munthazi kuti nizakazizipizge masuzgo agho nizamusangana nagho.

Nga ni Sergey na Yelena nase tikuwonga Baibolo ilo ntchawanangwa chapadera chomene icho Chiuta wali kutipa, ilo likutikhozga na kutipa vinjeru ivyo tikukhumbikwira kuti tilutilire kuŵa ŵakugomezgeka nanga pangaŵa panyengo ya masuzgo.—Salimo 19:7.

Nyengo

September 25, 2022

Ŵakaŵajulira mulandu
October 17, 2022

Ŵakasecha nyumba yawo
September 6, 2023

Sergey wakakanizgika kwenda kuluta ku vigaŵa vinyake
September 7, 2023

Yelena wakakanizgika kwenda kuluta ku vigaŵa vinyake
December 26, 2023

Ŵakamba kutegherezga mulandu wawo

Wonaniso

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI