NOVEMBER 2, 2021
RUSSIA

YASONO | Ŵanthu 5 Awo Ŵakuti Ŵali na Mulandu ku Sakhalin Ŵakuthemba Wovwiri wa Yehova

JULANI

Pa May 11, 2022, khoti ilo lili ku Chigaŵa cha Sakhalin, likakana apilu ya Mubali Vyacheslav Ivanov, Aleksandr Kozlitin, Sergey Kulakov, Mudumbu Tatyana Kulakova, na Mubali Yevgeniy Yelin. Pasono ŵaŵajalirenge mu jele yayi.

Pa January 31, 2022, Khoti la mu Msumba wa Nevelskiy ku Chigaŵa cha Sakhalin likati Vyacheslav, Aleksandr, Sergey, Tatyana, na Yevgeniy, ŵali na mulandu. Sergey na Yevgeniy ŵakapika chilango chakuti ŵaleke kusangikaso na mulandu kwa vyaka 6 na hafu. Vyacheslav, Aleksandr, na Tatyana ŵaleke kusangikaso na mulandu kwa vyaka viŵiri.

Nyengo

July 2020

Vyacheslav, Aleksandr, Sergey, na Tatyana ŵakaŵakanizga kwenda mu vigaŵa vinyake
April 2, 2020

Yevgeniy ŵakamukanizga kwenda mu vigaŵa vinyake
January 20, 2019

Ŵa Federal Security Service (FSB), ŵapolisi ŵa ku Russia, ŵakasecha nyumba pafupifupi 11 izo ŵakaghanaghaniranga kuti za Ŵakaboni ŵa Yehova. Ŵapolisi aŵa ŵakaŵa ŵankhaza kweniso ŵakafumba mafumbo ŵana ŵa mabanja agha. Ivi vikachitika pamanyuma pakuti pajumpha nyengo yichoko waka kufuma apo Vladimir Putin, Pulezidenti wa Russia, wakalayizgira kuti wayowoyengepo vyakukhwaskana na nthambuzgo ya Ŵakaboni ŵa Yehova

Vyakukhwaskana na ŵanthu aŵa

Sergey Kulakov

Chaka cha kubabikira: 1961 (Nevelsk, Chigaŵa cha Sakhalin)

Mbiri yake: Wakasambiranga sukulu ya kugonera kwenekuku kufuma apo wakaŵa na vyaka 14. Apo wakaŵa muchoko, wakatemwanga kuseŵera bola na chess. Wakamalizga sukulu ya kusambira ntchito za mawoko ndipo wakasambira ntchito yakunozga sitima. Pasono wali kupumura pa ntchito

Cha m’ma 2000, iyo na muwoli wake Tatyana, ŵakamba kusambira Baibolo. Wakati wakhwaskika chomene na chitemwa icho wakawona pakati pa Ŵakaboni ŵa Yehova, wakabatizika mu 2008. Ŵali na ŵana ŵaŵiri ŵanyamata

Ivyo Wakayowoya

Kasi ni masuzgo wuli agho mukuwona kuti Yehova wamovwirani kuti muzizipizge?

Chinthu chakusuzga chomene kwa ine chikaŵa chakuti nilutilire kuŵa wakuzikira kweniso niŵe wachimwemwe. Nati nalutilira kutangwanika na vinthu vyauzimu, nkhakhorwa kuti ivyo Mazgu gha Chiuta ghakuyowoya ni vyaunenesko, agho ghakuti: “Uyo ngwakugomezgeka mukuchita nayo mwakugomezgeka.” (2 Samuyeli 22:26) Pasono nkhumutemwa na kumugomezga chomene Yehova. Chitemwa chane pa Yehova chikunovwira kuti nileke kufipa mtima na ivyo vingazakachitika munthazi, chifukwa vyose ivyo vikuchitika vili mu mawoko ghake.

Tatyana Kulakova

Chaka cha kubabikira: 1973 (Nevelsk, Chigaŵa cha Sakhalin)

Mbiri yake: Kufuma waka apo wakaŵa muchoko, wakutemwa kuŵerenga, kudinda vithuzi, na sumu. Wakagwiranga ntchito yakupanga pulasitara na kupenta. Wakatengwa kwa Sergey mu 1996, ndipo ŵali na ŵana ŵaŵiri ŵanyamata

Wakamba kuzirwiska Baibolo pamanyuma pa kusambira ivyo likuyowoya pa nkhani yakukhwaskana na chifukwa icho Chiuta wakalengera charu kweniso nkhani ya umo ŵakufwa ŵaliri. Wakabatizika na kuŵa Kaboni wa Yehova mu 2003

Ivyo Wakayowoya

Kasi ni lemba wuli ilo lamovwirani kuti muŵe na chikanga panji kuzizipizga na chimwemwe?

Apo ŵakasechanga nyumba yane kweniso pamanyuma, apo ŵakati nili na mulandu ndipo nkheneranga kuluta ku ŵalara ŵaboma, Mazgu agho Elisha wakayowoya kwa muteŵeti wake ghakanikhozga chomene. Iyo wakati: “Awo ŵali kwa ise mbanandi kuluska awo ŵali na [iwo]. [Iwo ŵali] na woko la munthu, kweni ise tili na Yehova Chiuta withu.” (2 Midauko 32:7, 8) Nkhamba kughanaghanira kuti Yehova Wankhongonozose, Yesu, na ŵangelo ŵanandi chomene ŵali ku chigaŵa chane. Wovwiri wa ŵanthu wose aŵa ukanovwira kuti nichite icho nkheneranga kuchita m’malo mwa kwenjerwa chomene.

Yevgeniy Yelin

Chaka cha kubabikira: 1974 (Yuzhno-Sakhalinsk, Chigaŵa cha Sakhalin)

Mbiri yake: Wakutemwa chomene kudinda vithuzi kufuma waka apo wakaŵa muchoko. Wakagwirapo ntchito yakupanga mapulani gha nyumba. Wali na kampani yake yakunozga nyumba izo pasono zikuwoneka makora yayi. Kweniso wakumanya kupanga mapulani gha umo katundu wangazakakhalira mu nyumba

Wakamba kuŵerenga Baibolo apo wakaŵa ku sekondare. Cha m’ma 1990, wakakumana na Ŵakaboni ŵa Yehova ndipo wakakhwaskika chomene na umo ŵakagwiliskiranga ntchito fundo za mu Baibolo pa umoyo wawo. Wakabatizika mu 1992. Wakatorana na muwoli wake Anastasia, mu 2017

Ivyo Wakayowoya

Kasi ni ulongozgi wuli uwo mungapeleka ku ŵanyinu uwo ungaŵawovwira kunozgekera nthambuzgo iyo yingiza?

Ningaŵapa ulongozgi wakuti ŵakwenera kuzuzga maghanoghano na mitima yawo na vinthu vyauzimu. Ntchakuzirwa chomene kulondezga ulongozgi wa gulu. Tikulindilira mwakunweka kufiskika kwa mauchimi ghakukhwaskana na charu chiphya, kweni nthambuzgo ntchigaŵa cha mauchimi agho ghakwenera kufiskika. Para tikusangana na nthambuzgo, mu mazgu ghanyake ningati, nase tikovwirapo kuti mauchimi agha ghafiskike. Uwu ni mwaŵi wapadera chomene!

Tikumanya kuti Yehova walutilirenge kovwira ŵabali na ŵadumbu ŵithu ŵakutemweka aŵa, apo ŵakulutilira kukora mazgu gha ntchimi Yesaya, iyo yikati: “Chiuta ntchiponosko chane. Nithembenge iyo ndipo niwopenge yayi.”—Yesaya 12:2.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI