MARCH 4, 2022
RUSSIA

YASONO—KHOTI LAKANA APILU | Mudumbu Lyudmila Shchekoldina Wakukhozgeka Chomene na Mazgu gha Ŵanji

JULANI

Pa October 6, 2022, Khoti la ku Krasnodar likakana apilu ya mudumbu Lyudmila Shchekoldina. Pasono wachali mu jele.

Pa May 23, 2022, Khoti la Pavlovskiy ilo lili ku Chigaŵa cha Krasnodar likati Mudumbu Lyudmila Shchekoldina wali na mulandu ndipo wakagwire jele vyaka vinayi na mwezi umoza. Chilango ichi chili kwambapo kugwira ntchito.

Nyengo

April 23, 2020

Ŵakamba kumupa mulandu pamanyuma pakuti wadumbiskana na munthu uyo wakapusikizgiranga kuti wakukhumba kusambira Baibolo.
April 29, 2020

Ŵamazaza ŵakasecha nyumba ya Lyudmila kwa maora 9 na kumufumba mafumbo. Wakapika mulandu wakuti wakukhozgera milimo ya gulu ilo likuchita vinthu vyakofya
June 21, 2021

Khoti likamba kutegherezga mulandu wake

Vyakukhwaskana na munthu uyu

Lyudmila Shchekoldina

Chaka cha kubabikira : 1976 (Aleksandrovka, Chigaŵa cha Krasnodar)

Mbiri yake: Apo wakaŵa muchoko wakasambira kulizga piyano. Wakaŵapo msambizgi

Wakakhumbanga kumanya chilato cha umoyo na ivyo vikupangiska vinthu vyambura urunji. Wakamba kusambira Baibolo na Ŵakaboni ŵa Yehova ndipo wakasanga mazgoro ghakukhorweska gha mafumbo agho wakaŵa nagho. Wakabatizika mu 1995

Ivyo Wakayowoya

Kasi ŵanji ŵamukhozgani wuli?

Mwasonosono apa, ŵadumbu ŵanyake ŵakanipangira kavidiyo. Munyake wakati: “Para nkhughanaghanira vya imwe, icho kanandi chikwiza mu maghanoghano ghane ntchiyelezgero cha kasungwana ka ku Israyeli. Chifukwa wuli? Kakawonekanga nga . . . kuti kalije nkhongono, kweni umo kakachitira vinthu kakaŵa nga kuti ni msilikari wachikanga. Kwa ine, mukuchita mwakuyana waka na kasungwana aka.”

Mulaŵiliri wadera wakanilembera kalata iyo yikaŵa na mavesi ghakukhozga gha mu Baibolo kuti nighanaghanirepo. Limoza lake likaŵa lemba la Salimo 68:28. Pakuyowoyapo umo ningalondezgera fundo ya pa lemba ili, wakati: “Pasono mukujumpha mu nyengo zakusuzga chomene. Ndipouli, nili na chigomezgo chose kuti chitemwa chinu pa Yehova na kugomezgeka kwinu kwa iyo kumovwiraninge kulutilira kuŵa wakukhora. . . . Yehova wakunotha na ŵateŵeti ŵake ŵakugomezgeka.”

Nkhusunga fundo zose zakukhozga izi ndipo nkhuziŵazganga pafupipafupi.

Tili na chigomezgo chose kuti na wovwiri wa Yehova, Lyudmila pamoza na ŵabali na ŵadumbu ŵakugomezgeka awo ŵali mu viyezgo ŵalutilirenge kuŵa ŵakukhora.—Salimo 68:28.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI