JUNE 15, 2022
RUSSIA

YASONO—KHOTI LATI MUDUMBU WALI NA MULANDU | Galina Kobeleva Waŵikapo Mtima Kuchitira Ukaboni mu Khoti

JULANI

Pa October 20, 2022, Khoti la Lesozavodskiy ilo lili ku Primorye likati Mudumbu Galina Kobeleva wali na mulandu ndipo wakapika chilango chakuti waleke kusangikaso na mulandu kwa vyaka 6. Pasono ŵamujalirenge mu jele yayi.

Nyengo

May 12, 2020

Ŵamazaza ŵakasecha nyumba zitatu za Ŵakaboni ŵa Yehova ku Chigaŵa cha Primorye, kusazgapo nyumba ya Mudumbu Galina. Iyo na mwana wake mwanalume, Mubali Sergey Kobelev, ŵakafumbika mafumbo ndipo ŵamazaza ŵakamba kuŵafufuza mulandu
March 8, 2021

Ŵamazaza ŵakamujulira mulandu Galina. Ŵakati wali na mulandu wa kuchitako milimo ya gulu ilo likuchita vinthu vyakofya
April 7, 2021

Ŵakamukanizga kwenda kufuma mu chigaŵa icho wakakhalanga
October 29, 2021

Khoti likamba kutegherezga mulandu wake

Vyakukhwaskana na munthu uyu

Galina Kobeleva

Chaka cha kubabikira: 1956 (Verkhniye Mully, Chigaŵa cha Perm)

Mbiri yake: Wakagwirapo ntchito ya vya malonda na ya ukautanti. Wakutemwa kupwelelera maluŵa

Wakamanya vyakukhwaskana na Ŵakaboni ŵa Yehova kakwamba kufuma kwa amama ŵake. Chitemwa icho chikaŵa pakati pa ŵabali na ŵadumbu ku mpingo, chikamukhorweska kuti wasanga nadi unenesko. Wakabatizika mu 1998

Ivyo Wakayowoya

Ntchivichi chikumukhukiskani kuti mukachite chikanga kuchitira ukaboni?

Nkhuwona khoti kuŵa chigaŵa chane chakupharazgako. Ntheura nkhuwona kuti Yehova na Yesu ŵakukhazga kuti nkhachitire ukaboni panthazi pa khoti.

Chinyakeso ntchakuti ŵabali na ŵadumbu ŵakunikhozgera ulendo uliwose uwo khoti likutegherezga mulandu wane. Nangauli nkhuŵa nekha pa nyengo iyo khoti likutegherezga mulandu wane, kweni nkhujipulika kuti ŵakunovwira kwizira mu malurombo ghawo.

Kasi ni lemba wuli la mu Baibolo ilo likumovwirani kuti mulutilire kuzizipizga?

Limoza mwa malemba agho nkhughatemwa chomene, nda Yesaya 48:17, 18, ilo chigaŵa chinyake likuti: “Ine Yehova, ndine Chiuta winu, uyo wakumusambizgani kuti musange chandulo, uyo wakumulongozgani mu nthowa iyo mukwenera kwendamo.” . . . Nkhutemwa kughanaghanirapo uwemi wa kulondezga nthowa yake, kweniso umo ivi vikunovwilira kuti niŵe wakukondwa. Kunthazi kwithu kukwiza vinthu viwemi chomene ndipo tizamusangwa na umoyo uwemi mu Paradiso. Kweni pasono, tili na mwaŵi wakuwona umo Mubwezi withu wankhongono kweniso Dada withu wakuŵira nase mu nyengo za suzgo, ndipo tikwenera kusendelera kwa iyo. . . . Viŵenge kuti nkhaleka kwenda pa nthowa yake, nthena nasangana na masuzgo nipera, kweni apa natenge niŵenge nekha kwambura wovwiri wakufuma kwa Chiuta uyo wakunipembuzga na kunovwira nadi.

Tikuwonga chomene kuti Yehova wakulutilira kutolera ŵateŵeti ŵake ŵakugomezgeka nga ni Galina, “ku malo gha chivikiliro” apo ŵakuchita chikanga kuvikilira zina lake.—2 Samuyeli 22:18-21.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI