AUGUST 13, 2021
RUSSIA

YASONO | Mubali Baranov na Mubali Li Ŵakulutilira Kukhala Mwakufwasa na Kugomezga Yehova

JULANI

Pa June 6, 2022, Khoti la Vyazemskiy ilo lili ku Chigaŵa cha Khabarovsk, likati Mubali Yegor Baranov wali na mulandu ndipo waleke kusangikaso na mulandu unyake kwa vyaka 5. Pasono ŵamujalirenge mu jele yayi. Chachitima ntchakuti, Mubali Yen Sen Li wakafwa pambere mulandu wake underuzgike.

Nyengo

February 2, 2021

Khoti likwamba kutegherezga mulandu wa Yegor na Yen Sen
November 20, 2020

Yegor wafumiskika mu jele ilo ŵakamusanganga wati wakhalamo mazuŵa 177
August 26, 2020

Khoti la mu msumba wa Khabarovsk likapoka galimoto ya Yen Sen
May 29, 2020

Yegor wamuŵika mu jele lakusungirako ŵanthu
May 26, 2020

Khoti ilo lili ku Chigaŵa cha Khabarovsk likati Yegor na Yen Sen ŵali na mulandu

Vyakukhwaskana na ŵanthu aŵa

Yegor Baranov

Chaka cha kubabikira: 2001 (Olovyannaya, Chigaŵa cha Trans-Baikal)

Mbiri yake: Wali na ŵakuru ŵake ŵaŵiri. Adada ŵake ŵakafwa mu 2013. Wakutemwa chilengiwa na vinyama. Pambere wandakakike wakasambiranga vyakukhwaskana na chilengiwa

Wakalereka na amama ŵake awo Mbakaboni ŵa Yehova. Chilindizga cha chiwuka chakuti wazamuŵawonaso adada ŵake chikumupa chigomezgo. Wakabatizika kuŵa yumoza wa Ŵakaboni ŵa Yehova mu 2017. Wakutemwa kulizga keyboard, kulemba mapowemu, na kuphika

Ivyo Wakayowoya

Kasi ubwezi winu na Yehova wakhora wuli chifukwa cha chiyezgo icho mwakumana nacho?

Nkhuwonga kuti nakumana na chiyezgo ichi, ndine wakukondwa pakumanya kuti nanga suzgo lingawoneka lakofya wuli, Yehova wakumanya umo tikujipulikira ndipo wakutovwira waliyose payekha. Nkhawona kuti para ningamba kukayika mu mtima mwane, chikung’anamura kuti ningamba kudelera vinjeru ivyo Chiuta wali navyo. Iyo ngwaluso chomene pakuchita vinthu, ndipo kanandi wakuchita vinthu munthowa yakuti ise takhazganga yayi. Nati nakhala mu jele lakusungirako ŵanthu, nkhamanya kuti chipulikano chane mwa iyo chamba kuyezgeka, kweniso panyengo yimozamoza, nkhamba kuwona kuti namba kumugomezga chomene Yehova.

Yen Sen Li

Chaka cha kubabikira: 1952 (Nikolaevsk-on-Amur Chigaŵa cha Khabarovsk)

Mbiri yake: Ngwachitatu pa ŵana 5. Ni injiniya wa vyamagesi.Wakatora muwoli wake, Olga, mu 1991. Ŵali na mwana yumoza mwanalume. Wakamba kunweka na ivyo Baibolo likuyowoya pamanyuma pakuti iyo na muwoli wake ŵasambira kuti Baibolo likupeleka chilindizga chiwemi cha munthazi. Wakabatizika mu 1994. Wakutemwa kuseŵera chess na kutembeya

Ivyo Wakayowoya

Kasi mwalomba vichi kwa Yehova panyengo iyi?

Nkhapempha Chiuta kuti watikhozge ine na muwoli wane, kweniso kuti watipe mtende mu mitima yithu . . . . Mtima wane ukaŵa m’malo apo nkhafumbikanga mafumbo, ndipo uwu ukaŵa ukaboni ukuru chomene wakuti Yehova wanilekenge nekha yayi.

Apo muwoli wane wakaŵa mu chipatala chifukwa cha suzgo la mtima, nkhapempha Yehova kuti . . . muwoli wane wapokere wovwiri wakwenelera. Yehova wakapulika malurombo ghane. Tikawona ukaboni wapakweru wa umo Yehova wakawovwilira ine na muwoli wane kwizira mu ŵabali na ŵadumbu. Iwo ŵakatileka waka yayi. Ŵakatovwira mwakuthupi, kweni chakuzirwa chomene, ŵakatovwira mwauzimu.

Na wovwiri wa ŵabwezi kweniso Yehova, wakalutilira kuŵa wakukhora mwauzimu . . . . Nayo wakukhozga na ŵanyake wuwo. Kwa ine, uwu mbukaboni wakuti Yehova wakumovwira muwoli wane.

Tikuŵawonga chomene ŵabali ŵithu chifukwa cha kulutilira kugomezga Yehova ndipo ŵali na chigomezgo kuti Yehova waŵakhozgenge kuti ŵalutilire kuzizipizga.—2 Ŵatesalonika 3:3.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI