AUGUST 5, 2021
RUSSIA

YASONO | Mubali Dmitriy Terebilov Wangajalirika mu Jele Ulendo Wachinkhondi, Kweni Kaŵenge Kakwamba Kujalirika Chifukwa cha Chipulikano Chake

JULANI

Pa September 22, 2022, Khoti la Cassation likakana apilu yachiŵiri ya Mubali Dmitriy Terebilov. Walutilirenge kuŵa mu jele.

Pa January 12, 2022, Khoti la Kostroma likakana apilu ya Mubali Dmitriy.

Nyengo

September 6, 2021

Khoti la Sverdlovskiy ilo lili mu Msumba wa Kostroma likati Dmitriy wali na mulandu ndipo wali kupika chilango chakuti wakagwire jele yaka vitatu. Chilango ichi chili kwambapo kugwira ntchito.
September 8, 2020

Khoti likwamba kutegherezga mulandu wa Dmitriy
May 25, 2020

Dmitriy wapika mulandu ndipo wakanizgika kwenda kufuma mu chigaŵa icho wakukhala
September 19, 2019

Maakaunti gha ku banki gha Dmitriy ŵaghajara
June 13, 2019

Dmitriy wamba kupika mulandu chifukwa cha kugaŵira mabuku agho ngakukanizgika kweniso chifukwa cha kuchitako maungano gha gulu ilo ndakukanizgika
July 25, 2018

Ŵamazaza ŵasecha nyumba ya Dmitriy uku iyo na muwoli wake ŵali mu nthowa kuwera ku ungano wa chigaŵa uwo ukachitikira ku Moldova. Ŵati ŵafika waka pa nyumba, ŵamazaza ŵakuŵakaka na kuŵafumba mafumbo

Vyakukhwaskana na munthu uyu

Dmitriy Terebilov

Chaka cha kubabikira: 1980 (Kostroma)

Mbiri yake: Amama ŵake ŵakafwa uku wachali muchoko. Apo wakaŵa munyamata wakatemwanga maseŵera gha mbembe. Wakajalirikapo mu jele maulendo ghanayi chifukwa cha kusangika na munkhwala wakuzweteska wongo

Wakamba kusambira Baibolo kwizira mu makalata apo wakaŵa mu jele mu 2010. Wakafumiskika mu 2013. Wakabatizika mu 2014. Wakatorana na muwoli wake Irina mu 2015. Wose ŵakutemwa kwenda, kutembeya na kwendeska njinga

Ivyo Wakayowoya

Kasi mukasangana wuli na Ŵakaboni ŵa Yehova?

Nkhamanyana na Ŵakaboni ŵa Yehova kakwamba apo nkhagwiranga jele ulendo wachinayi chifukwa cha kusangika na munkhwala wakuzweteska wongo. Mu August 2010, nkhapokera kalata yakwamba kufuma kwa mubali munyake ku Udmurtia. Pa vyaka vyose ivyo nkhaŵira mu jele wakanovwira chomene, wakanilemberanga makalata, na kunitumizgira mabuku ghakulongosora Baibolo. Tichali paubwezi m’paka sono.

Nkhafumiskika mu jele pa June 21, 2013, nati namara kugwira vyaka ivyo nkhapika. Nkhasamira ku Kostroma na kupenja Ŵakaboni ŵa Yehova ndipo nkhaŵasanga.

Ntchivichi chamovwirani kuti mulutilire kuŵa ŵakukondwa na kuleka kwenjerwa chomene?

Ungano wa chigaŵa uwo tikaŵa nawo mu 2018 ukaŵa na mutu wakuti “Khwimani Mtima!” Tikati tawera waka ku ungano uwu, nyengo yeneyiyo tikamba kugwiliskira ntchito ivyo tikasambira. . . . Nkhukumbuka ivyo vikachitika ulendo unyake apo tikafikanga pa nyumba [apo tikaweranga uko ŵakatifumbanga mafumbo ŵati ŵasecha ulendo wachiŵiri nyumba yithu]. Tikati tafika pa nyumba, tikasanga ŵabali na ŵadumbu ŵanandi awo ŵakachimbilira ku nyumba kwithu ŵati ŵapulika waka kuti ŵamazaza ŵasecha nyumba yithu. Uwu mbukaboni wakuti Yehova wali nase pafupi.

Kasi mukujipulika wuli para mukughanaghanira vyakuti mungajalirikaso mu jele, nangauli ulendo uwu ntchifukwa cha chipulikano chinu?

Para nkhuwona umo Yehova wanovwilira nyengo yose iyi, umo wakovwilira ŵabali na ŵadumbu awo ŵali kale mu jele chifukwa cha chipulikano chawo, nkhukayika yayi napachoko kuti nane Yehova wanovwirenge pamoza na mbumba yane. Apo nkhafumanga mu jele nkhasimikizga mtima kuti: ‘Nkhukhumba kuŵa Kaboni wa Yehova.’ Nakuti nindasinthe maghanoghano agha m’paka sono.

Apo Dmitriy wakulutilira kuŵa na chimwemwe icho chikwiza chifukwa cha kumanya kuti ‘wakutombozgeka chifukwa cha zina la Khristu,’ tili na chigomezgo chose kuti “mzimu wa uchindami, uwo ni mzimu wa Chiuta, ukukhala pa” iyo.—1 Petrosi 4:14.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI