JANUARY 13, 2022
RUSSIA
YASONO | Mubali Yevstigneev Wakulutilira Kugomezgeka Chifukwa Wakuthemba Yehova
Pa May 12, 2022, Khoti la Leninskiy ilo lili mu Msumba wa Nizhny Novgorod likati Mubali Kirill Yevstigneev wali na mulandu ndipo waleke kusangikaso na mulandu unyake kwa vyaka vitatu. Pasono ŵamujalirenge mu jele yayi.
Nyengo
October 8, 2021
Khoti likamba kutegherezga mulandu wake. Kirill wakamulongosolera mweruzgi kuti iyo na ŵanyake ŵakaŵa waka pa ntchezgo ndipo ukaŵa ungano wa chisopa yayi
August 24, 2021
Ŵamazaza ŵakamukanizga kwenda kufuma mu chigaŵa icho wakakhalanga
September 2, 2020
Ŵamujulira mulandu Kirill wakuti “wakupeleka ndalama zakovwira kuchitira vinthu vyakofya” chifukwa ndiyo wakalipira lenti ya chipinda icho ŵakachezgerangamo
July 11, 2019
Ŵamazaza ŵakalimbananga chomene na Kirill chifukwa ndiyo wakasayinira kuti walipirenge lenti ya chipinda icho ŵakachezgeranga; nyumba yake ŵakayisecha
June 4, 2019
Ŵamazaza ŵakamba kufufuza ŵanthu ŵanyake chifukwa cha ntchezgo iyo ŵabali ŵakaŵa nayo kweni ŵakayowoya yayi kuti ŵakufufuza anjani
April 2019
Kirill na Ŵakaboni ŵa Yehova ŵanyake ku Nizhny Novgorod ŵakachita lenti chipinda chinyake kuti ŵachezgerengemo
Vyakukhwaskana na munthu uyu
Tikulutilira kuŵa ŵakukhora para tikupulika vya chikanga icho wakulongora Kirill, muwoli wake, na ŵabali na ŵadumbu ŵakugomezgeka awo ŵakusangana na nthambuzgo ku Russia na Crimea.—Ŵafilipi 1:13, 14.
Panji Mungatemwa Kuŵerengaso Nkhani Izi
NKHANI
Ŵajalirika mu Jele Chifukwa cha Chipulikano Chawo—Russia
Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.