OCTOBER 5, 2021
RUSSIA

YASONO | Ulongozgi Wachitemwa Ukukhozga Mubali Vitaliy Omelchenko Kuti Wazizipizge Nthambuzgo

JULANI

Pa September 22, 2022, Khoti la Oktyabrskiy ilo lili ku Murmansk likati Mubali Vitaliy Omelchenko wali na mulandu. Wakapika chilango chakuti walipire ndalama za madora gha ku America zakukwana 8,379.

Nyengo

January 29, 2021

Mulandu wakukhwaskana na Vitaliy ukatumizgika ku khoti
January 20, 2020

Ŵapolisi ŵakamusunga dankha ku malo ghanyake kuti ŵamufumbe mafumbo. Wakasungika kwa mazuŵa ghaŵiri pambere ŵandamufumiske. Ŵakamukanizga kugwiliskira ntchito Intaneti kweniso kuyowoyeskana na ŵanyake awo nawo ŵakakhwaskika na mulandu uwu
December 23, 2019

Komiti Yakufufuza Milandu ku Russia mu Chigaŵa cha Murmansk yikamba kumupa mulandu Vitaliy. Ŵalara ŵaboma ŵakati Omelchenko wali na mulandu chifukwa wakachita vinthu vyakukhwaskana na chisopa ku nyumba yake pakuŵa yumoza wa Ŵakaboni ŵa Yehova

Vyakukhwaskana na munthu uyu

Vitaliy Omelchenko

Chaka cha kubabikira: 1979 (Roslyakovo, Chigaŵa cha Murmansk)

Mbiri yake: Wakutemwa kuvina, kuseŵera mu chiwuvi, kuthelereka mu maji ghakukhoma, na kwimba. Wakagwirapo ntchito ya usilikari kwa vyaka viŵiri

Wakamba kusambira Baibolo na Ŵakaboni ŵa Yehova mu 2000. Wakabatizika mu 2001. Ŵakatorana na Natalya mu 2013. Pakati pajumpha chaka chimoza, Natalya wakalwara chomene ndipo pasono ngwakupendera

Ivyo Wakayowoya

Kasi chilipo chinthu chinyake chakukhozga icho munthu munyake wakayowoya kwa imwe ndipo chamovwirani kuti muzizipizge chiyezgo ichi?

Mubali munyake uyo wali nga ni dada wane wakanilembera kalata kufuma ku jele lakusungirako ŵanthu uko wali. Wakayowoya kuti: “Iwe na ine tikayowoyeskanangapo kumanyuma uku kuti tikwenera kuŵa ŵakukhora, ŵambura kusunkhunyika, ŵachikanga, ŵakugomezgeka, kweniso kuti tikwenera kugomezga chomene Yehova na kuleka kukayika kuti watovwirenge. Ntheura nyengo yakwana yakuti tilongore mikhaliro iyi sono kwizira mu vyakuchita vinthu.”

Kasi ntchivichi chamovwirani kuti mulutilire kuleka kusunkhunyika apo ŵanthu ŵakamuyowoyeraninge mautesi?

Lemba la Mateyu 5:11 likunikumbuska kuti ŵanthu ‘ŵazamutitera uheni wa mtundu uliwose.’ Lemba ili likanikhozga chomene kuti nizizipizge apo ŵanthu ŵakayowoyanga mautesi panyengo iyo khoti likategherezganga mulandu wane. Kanandi nkhajikumbuskanga kuti ŵanthu mbapasi chomene pakuyaniska na Yehova.

Kasi ni ulongozgi wuli uwo mungapeleka ku ŵanji wa umo ŵangagwiliskira ntchito nyengo iyo ŵali nayo kuti ŵanozgekere nthambuzgo munthazi?

Lombani Yehova kuti wamovwirani kuti mulongore chikanga kweniso kuti mumugomezgenge nanga mungaŵa mutunthu tuchokotuchoko. Lutilirani kusangikapo pa maungano na kutoramo chigaŵa nyengo zose. Mupharazgenge na Ŵakhristu ŵanyinu mu uteŵeti. Ntheura usange tazakasangana na nthambuzgo, tizamulutilira kujipulika kuti tili lumoza na ŵabali na ŵadumbu ŵithu.

Apo Vitaliy wakulutilira kusanguluskika na fundo za mu Malemba kweniso kulondezga ulongozgi wake mwakukwana, nase tikukhozgeka na chiyelezgero chake chiwemi.—Ŵaroma 15:4.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI