NOVEMBER 25, 2021
RUSSIA

YASONO | Yehova Wakupembuzga Mubali Yevgeniy Korotun

JULANI

Pa May 16, 2022, Khoti la ku Chigaŵa cha Tomsk, likakana apilu ya Mubali Yevgeniy Korotun. Walutilirenge kugwira jele.

Pa January 20, 2022, Khoti ilo lili mu Msumba wa Severskiy ku Chigaŵa cha Tomsk likati Mubali Yevgeniy wali na mulandu ndipo wakagwire jele vyaka 7. Chigamuro ichi chikamba kugwira ntchito nyengo yeneyiyo.

Nyengo

March 31, 2021

Khoti likamba kutegherezga mulandu
September 7, 2020

Ŵakamujalira na kumutumizga ku jele uko ŵakusungirako ŵanthu pamanyuma pakuti wawonekera ku khoti
July 15, 2020

Wakaŵikika pa jele la panyumba
July 14, 2020

Ŵa FSB ŵakasecha nyumba za mabanja ghanayi gha Ŵakaboni ŵa Yehova ku Seversk, kusazgapo nyumba ya Korotun
July 13, 2020

Yevgeniy wakapika mulandu
2018–2019

Ŵalara ŵa boma ŵaŵiri ŵakalongora nga kuti ŵakukhumba kusambira Baibolo ndipo mwachibisibisi ŵakajambura ivyo ŵakayowoyeskananga na Yevgeniy nga mbukaboni wakuti Yevgeniy wali kupalamura nadi mulandu

Vyakukhwaskana na munthu uyu

Yevgeniy Korotun

Chaka cha kubabikira: 1970 (ku Seversk)

Mbiri yake: Wakasambira sukulu yakukhwaskana vya kudinda. Wakagwirapo ntchito ya ukalipentara, kupanga pulasitara, na upulambara. Wakutemwa kujambura vithuzi na kuŵerenga

Pamanyuma pakulifufuza makora Baibolo kwa vyaka pafupifupi 10, wakakhorwa kuti Baibolo ni Mazgu gha Chiuta. Wakabatizika mu 2008 ndipo cha kuumaliro wa chaka ichi wakatorana na muwoli wake Yevgeniya. Ŵali na mwana munyamata wa vyaka 10, zina lake Aleksandr

Ivyo Wakayowoya Muwoli wa Yevgeniy, Yevgeniya a

Kasi ni masuzgo wuli agho mukukumana nagho pasono apo mfumu winu wali ku jele?

Ŵa Federal Financial Monitoring Service ŵali kubuloka makadi ghithu gha ku banki. Nakumanapo kanandi waka na ŵalara ŵanyake ŵakwimira boma kuti ŵajure makadi ghithu gha ku banki. Ndipouli, Yehova wakugwiliskira ntchito ŵabali na ŵadumbu ŵithu pakutipa vyakukhumbikwira vya zuŵa na zuŵa.

Kasi ntchivichi chikumovwirani kuti mulutilire kuŵa na chimwemwe na kuleka kwenjerwa mwakujumphizga?

Ndondomeko yiwemi iyo nili nayo pakusopa Chiuta yanovwira chomene . . . Chifukwa chakuti Yevgeniy palije kuti walombe nane kweniso kulomba na banja lithu, nili na nyengo yinandi yakuyowoyeskerana na Yehova. Nabowozga nkhani ziphya izo ningayowoyeskana nayo. Kweniso namba kuŵerenga chomene nkhani zakukhwaskana na kutambuzgika, chikanga, kuzizipizga, kugomezgeka, nkhani yakukhwaskana na uyo ngwakwenelera kuwusa chilengiwa chose, ndiposo uwemi wakuwona vinthu munthowa yakwenelera. Para nilije nkhongono zakuŵerengera, mbwenu nkhuwonelera waka mavidiyo pa JW Broadcasting. Sumu zithu nazo zikunikhozga chomene.

Kasi mwana winu, Aleksandr, wakuzizipizga wuli phukwa la kuŵasoŵa adada ŵake?

Nyengo zinyake wakulira na kuyowoya kuti nkhukhumba adada . . . Kweni ni nyengo zose yayi apo wakuŵa na chitima. Nyengo zose wakuwona vinthu mwakwenelera kweniso ngwachimwemwe . . . Wakuyowoya kuti wali na khumbo la kubatizika. Ivi vikunipangiska kuti niŵe wakukondwa chomene.

Tikugomezga kuti Yehova wakovwira banja la Korotun na wose awo ŵakumuteŵetera mwakugomezgeka mu nyengo za masuzgo izi.—Ŵaroma 15:5.

a Chifukwa chakuti Mubali Korotun wachali ku jele, chikaŵa chakusuzga kuti tiyowoyeskane nayo.

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI