MAY 23, 2024
RUSSIA

“Yehova Waŵenge Nane”

JULANI

Khoti la Urupskiy ilo lili ku Chigaŵa cha Karachayevo-Circassian sonosono apa lipelekenge chigamuro chake pa mulandu wa Mubali Aleksey Pasynkov. Wakwimira boma pa milandu wachali wandayowoye chilango icho mubali uyu wangapika.

Vyakukhwaskana na munthu uyu

Aleksey Pasynkov

Chaka chakubabikira: 1988 (Moscow, Chigaŵa cha Moscow)

Mbiri yake: Wakalereka na amama ŵake. Aleksey wakugwira ntchito ya upulambara na ya kumalizgiska vinthu vinyake mukati mwa nyumba izo zazengeka waka

Amama ŵa Aleksey ŵakamba kusambira Baibolo na Ŵakaboni ŵa Yehova apo iyo wakaŵa na vyaka 10. Wakakondwa na umo Ŵakaboni ŵakuzirwiskira fundo za mu Baibolo kweniso chitemwa icho ŵakulongorana. Amama ŵake ŵakabatizika mu 2000, ndipo Aleksey mu 2002

Wakatorana na Yuliya mu 2013. Ŵali na mwana mwanalume wakupendera

Ivyo Wakayowoya

Kasi ni vesi wuli mu Baibolo ilo imwe na muwoli winu likumupani nkhongono kuti mulutilire kuzizipizga?

Nkhutemwa chomene kughanaghanirapo pa lemba la 1 Ŵakorinte10:13, ilo likuti: “Viyezgo ivyo vikumuwirani ndivyo vikuwiraso ŵanthu wose. Kweni Chiuta ngwakugomezgeka, ndipo wazomerezgenge yayi kuti imwe muyezgeke na kutondeka kuzizipizga. Kweni para chiyezgo chiza, wapelekenge nthowa yakumovwirani kuti muzizipizge.” Ine na muwoli wane takumana na viyezgo vikuruvikuru mu vyaka ivyo vyajumpha mwasonosono. Mwana withu wali kubabika na suzgo la mu wongo. Pasono wali na vyaka 8 ndipo wakukhumbikwira kuti nyengo zose timupwelelerenge. Mu chaka cha 2021, ŵapapi ŵa mwanakazi wane ŵakachita ngozi ya galimoto. Adada ŵake ŵakafwa, ndipo amama ŵake ŵakapwetekeka mwakuti ŵangachita yayi vinthu pa iwo ŵekha. Kufuma apo mbwe nthambuzgo iyi yikambika. Vesi ili likunikumbuska kuti masuzgo agho tikukumana nawo ntchigaŵa cha umoyo wa masuzgo mu charu ichi. Kweni nyengo zose tajiwonera tekha kuti Yehova wali nase pafupi, wakutipa nkhongono kuti tizizipizge. Nkhukayika yayi kuti masuzgo ghose agha ghamalenge sonosono apa. Nili na chigomezgo chose kuti nangauli masuzgo ghane ghangatora nyengo kuti ghamare, kweni Yehova waŵenge nane.

Ndise ŵakukondwa kumanya kuti nangauli tikukumana na viyezgo vyakupambanapambana, kweni nyengo zose tibisamenge mwa Yehova na kusekelera mwa iyo.—Salimo 5:11.

Nyengo

November 23, 2021

Ŵakamujalira ku ntchito kwake na kusecha nyumba yake
December 8, 2022

Ŵakamujulira mulandu
March 3, 2023

Ŵakasechaso nyumba yake. Aleksey na Yuliya ŵakafumbika mafumbo
March 31, 2023

Ŵakasecha nyumba ya amama ŵake na nyumba za ŵachibali ŵake
October 4, 2023

Wakakanizgika kwenda kuluta ku vigaŵa vinyake
December 14, 2023

Khoti likamba kutegherezga mulandu wake

Panji Mungatemwa Kuŵerengaso Nkhani Izi

NKHANI

Ŵajalirika mu Jele Chifukwa cha Chipulikano Chawo—Russia

Ŵa Federal Security Service (FSB) ŵakakaka Dennis Christensen chifukwa cha kuchitako maungano gha mtende gha Ŵakaboni ŵa Yehova ku Oryol, Russia.

NKHANI