APRIL 19, 2017
RUSSIA
Zuŵa Lachinkhondi mu Khoti Likuru Chomene ku Russia: Kuwona Masuzgo Agho Ŵakaboni ŵa Yehova Ŵasangana Nagho mu Vyaka 10
NEW YORK—Pa Chitatu, April 19, 2017, ŵanthu pafupifupi 300 ŵanguthilimukira ku khoti (ŵanyake ŵangwiza m’ma 2:00 a.m.) kuti ŵakaŵepo pa zuŵa lankhondi la mulandu wa Ŵakaboni ŵa Yehova. Unduna wa vya Malango mu charu cha Russia ukukhumba kuti ofesi ya Ŵakaboni ŵa Yehova yijalike mu charu ichi. Khoti languweleramo mavoliyumu 43 gha ukaboni wakuti boma la Russia lachitiranga nkhaza Ŵakaboni ŵa Yehova mu vyaka 10 ivyo vyajumpha.
Khoti languweleramo mavoliyumu 43 gha ukaboni.
Apo khoti lawonanga ukaboni uwu, maloya ghakwimira Unduna wa vya Malango ghangutondeka kulongora chifukwa cheneko chakujalira ofesi ya Ŵakaboni ŵa Yehova. Ghangutondekaso kulongora vinthu ivyo ŵakuti ofesi panji mawupu gha Ŵakaboni ŵa Yehova ghakuchita mwakutalulira. Yury Toporov, yumoza wa awo ŵakwimira Ŵakaboni ŵa Yehova pa mulandu uwu, wanguphalira Khoti kuti ukaboni unandi uwo uli kupelekeka ku khoti ni makalata ghakuwonga kweniso njombe izo boma likapelekanga ku ofesi ya Ŵakaboni ŵa Yehova, kulongora kuti likumanya kuti ofesi iyi yawovwira ŵanthu kwa vyaka vinandi. Khoti languwonaso kuti mawupu gha Ŵakaboni ŵa Yehova mu Russia nagho ghakovwira chomene ŵanthu. Kweniso maukaboni ghanandi agho khoti languwona, ghakulongora kuti kwambira mu 2008, Unduna wa vya Malango ukenderanga mawupu gha Ŵakaboni ŵa Yehova, kweni undasangepo chilichose icho ghakuchita mwakutalulira. Maloya gha Unduna uwu ghakuyimanya makora fundo iyi.
Panthazi, kwambira kumazere: Anton Omelchenko, Maksim Novakov, Victor Zhenkov, na Yury Toporov, maloya agho ghakwimira ofesi ya Ŵakaboni ŵa Yehova ku Russia. Kumasinda, kwambira kumazere: Vasiliy Kalin na Sergey Cherepanov (kumasinda), mamembara gha komiti yakulaŵilira ntchito pa ofesi ya Russia.
Khoti lilutizgenge kupulikizga mulandu uwu pa April 20, 2017, nyengo ya 2:00 p.m.
Mungayowoya na:
International: David A. Semonian, Ofesi ya Chimanyisko, +1-845-524-3000
Russia: Yaroslav Sivulskiy, +7-911-087-8009
Panji Mungatemwa Kuŵerengaso Nkhani Izi
NKHANI
Mulandu Ukulutilira mu Khoti Likuru Chomene la Russia pa Zuŵa Lachinayi
Maloya ghakwimira Unduna wa vya Malango ghangutondeka kupeleka chifukwa cheneko chakujalira ofesi ya Ŵakaboni ŵa Yehova ku Russia.
NKHANI
Pa Zuŵa Lachitatu, Ŵakaboni ŵa Yehova Ŵapeleka Ukaboni Wawo mu Khoti Likuru Chomene la Russia
Ŵakaboni ŵa Yehova ŵanayi ŵangususka ivyo Unduna wa vya Malango ukuyowoya.
NKHANI
Khoti Likuru ku Russia Lamba Kuzenga Mulandu Ukuru wa Ŵakaboni ŵa Yehova
Mulandu uwu ulutilirenge pa Chinayi, April 6, 2017.
NKHANI
Vasiliy Kalin: Uthenga pa Nkhani ya Kukhumba Kukanizga Ŵakaboni ŵa Yehova ku Russia
Vasiliy Kalin, uyo wakwimira ofesi ya Ŵakaboni ŵa Yehova ku Russia, wakapempha boma kuti lileke kutambuzga Ŵakaboni ŵa Yehova.
NKHANI
Ivyo Ŵanthu Ŵakuyowoya pa Nkhani ya Kukhumba Kukanizga Ŵakaboni ŵa Yehova ku Russia
Mawupu ghanandi ghakuwona wanangwa wa ŵanthu ghakuti ivyo boma la Russia likuchita pakukhumba kukanizga Ŵakaboni ŵa Yehova, vipangiskenge kuti charu ichi chiŵe na mbiri yiheni pa charu chose, kweniso vitimbanizgenge wanangwa wa kusopa wa ŵanthu ŵake.