Ŵamutoramakani ŵanandi ŵakuti panyengo iyo ŵapolisi ŵakachitanga chipikisheni ku Kirov, Russia, ŵali kusanga vilwero ivyo ŵakuti mweneko ni Kaboni wa Yehova. Kweni vilwero ivi ŵali kuvisanga mu nyumba iyo mweneko ni Kaboni wa Yehova yayi. Vilwero ivi ni mabomba agho ŵakagwiliskiranga ntchito pa Nkhondo Yachiŵiri ya pa Charu Chose, vili na mlosko ndipo vingagwiraso ntchito yayi. Mwanakazi wa mweneko wa vilwero ivi ni Kaboni wa Yehova, kweni wakamanyanga yayi kuti mfumu wake wali na vilwero ivi.

Mweneko wa vilwero ivi wakaŵa bwana wa ŵanthu awo ŵakagwiranga ntchito yakupenja mathupi gha ŵasilikari awo ŵakakomeka pa Nkhondo Yachiŵiri ya pa Charu Chose kuti ŵasunge makora mathupi ghawo. Panyengo iyi ŵanthu ŵakasanganga vilwero ivyo ŵakagwiliskiranga ntchito pa nkhondo, ndipo vinyake mwa vilwero ivi vilije ntchito.

Apo ŵalaraŵalara ŵa boma ŵakulutilira kutitetera mautesi na chilato chakuti ŵatinangire mbiri, tikukumbuka mazgu gha Yesu agho wakayowoyerathu kuti ŵanthu ŵazamutetera utesi wa mtundu uliwose ŵasambiri ŵake.—Mateyu 5:11.