APRIL 5, 2017
RUSSIA
Khoti Likuru ku Russia Likulutirizga Mulandu Wakukhumba Kukanizga Ŵakaboni ŵa Yehova
Khoti Likuru ku Russia, lati lategherezga mulandu wa pakati pa boma na Ŵakaboni ŵa Yehova, lawona kuti mulandu uwu uyime dankha. Unduna wa vya Malango mu charu cha Russia ukukhumba kukanizga “Ŵakaboni ŵa Yehova kupharazga na kusopa kweniso kujara ofesi yawo chifukwa cha kuŵaghanaghanira kuti ŵakuchita vinthu mwakutalulira.” Khoti ili lilutirizgenge mulandu uwu pa April 6, 2017, nyengo ya 2:00 p.m.
Mark Sanderson, wa mu Wupu Wakulongozga wa Ŵakaboni ŵa Yehova, wanguŵapo pa mulandu uwu. Iyo wati: “Ntchakudandawuliska chomene kuti Khoti Likuru likukana madandawuro agho ofesi ya Ŵakaboni ŵa Yehova yikupeleka. Mawupu ghanandi ghakuwona vya wanangwa wa ŵanthu kweniso ŵimiliri ŵa vyaru vinyake ŵanguŵapo pa mulandu uwu. Ivi vikulongora kuti charu chose chapasi chili maso.
Panji Mungatemwa Kuŵerengaso Nkhani Izi
NKHANI
Vasiliy Kalin: Uthenga pa Nkhani ya Kukhumba Kukanizga Ŵakaboni ŵa Yehova ku Russia
Vasiliy Kalin, uyo wakwimira ofesi ya Ŵakaboni ŵa Yehova ku Russia, wakapempha boma kuti lileke kutambuzga Ŵakaboni ŵa Yehova.
NKHANI
Ivyo Ŵanthu Ŵakuyowoya pa Nkhani ya Kukhumba Kukanizga Ŵakaboni ŵa Yehova ku Russia
Mawupu ghanandi ghakuwona wanangwa wa ŵanthu ghakuti ivyo boma la Russia likuchita pakukhumba kukanizga Ŵakaboni ŵa Yehova, vipangiskenge kuti charu ichi chiŵe na mbiri yiheni pa charu chose, kweniso vitimbanizgenge wanangwa wa kusopa wa ŵanthu ŵake.