APRIL 6, 2017
RUSSIA
Khoti Likuru ku Russia Lizamulutirizga Mulandu Wakukhumba Kukanizga Ŵakaboni ŵa Yehova pa April 7, 2017
Khoti Likuru Chomene ku Russia (Russian Federation Supreme Court), likulutirizga mulandu uwo Unduna wa vya Malango mu charu cha Russia ukayowoya kuti ukukhumba kumazga mawupu gha Ŵakaboni ŵa Yehova chifukwa khoti lichoko likati ŵakuchita vinthu mwakutalulira. Pamanyuma, jaji wangufumba Unduna uwu kuti ulongosore chifukwa icho mawupu 8 ghangapangiskira kuti ofesi ya Ŵakaboni ŵa Yehova na mawupu ghose 395 ghajalike mu Russia. Kweniso wangufumba usange Ŵakaboni ŵa Yehova ŵakanizgikengeso kusopa. Mwakuwerezgawerezga, jaji wangufumba Unduna uwu kuti ulongosore usange Ŵakaboni ŵa Yehova mbakofya nadi. Maloya gha Ŵakaboni ŵa Yehova nagho ghangufumba mafumbo agho ghanguvumbura chilato cha Unduna wa vya Malango, kuti ukukhumba kujara mawupu gha Ŵakaboni ŵa Yehova na ntchito yawo.
Khoti lizamulutirizga mulandu uwu pa April 7, 2017, nyengo ya 10:00 a.m.
Panji Mungatemwa Kuŵerengaso Nkhani Izi
NKHANI
Vasiliy Kalin: Uthenga pa Nkhani ya Kukhumba Kukanizga Ŵakaboni ŵa Yehova ku Russia
Vasiliy Kalin, uyo wakwimira ofesi ya Ŵakaboni ŵa Yehova ku Russia, wakapempha boma kuti lileke kutambuzga Ŵakaboni ŵa Yehova.
NKHANI
Ivyo Ŵanthu Ŵakuyowoya pa Nkhani ya Kukhumba Kukanizga Ŵakaboni ŵa Yehova ku Russia
Mawupu ghanandi ghakuwona wanangwa wa ŵanthu ghakuti ivyo boma la Russia likuchita pakukhumba kukanizga Ŵakaboni ŵa Yehova, vipangiskenge kuti charu ichi chiŵe na mbiri yiheni pa charu chose, kweniso vitimbanizgenge wanangwa wa kusopa wa ŵanthu ŵake.