Vinthu Vyambura Kuluwika ku Russia
MAY 5, 2018—Khoti la mu Msumba wa Saint Petersburg likakhozgera chigamuro chakuti ofesi yikuru ya Ŵakaboni ŵa Yehova yipokeke ku Russia
JULY 17, 2017—Khoti Likuru Chomene ku Russia likakhozgera ivyo boma likadumura pa April 20. Ŵakaboni ŵa Yehova ŵakakanizgika kuchita milimo yawo ku Russia
APRIL 20, 2017—Khoti Likuru Chomene ku Russia likadumura kuti Ŵakaboni ŵa Yehova ŵakwenera yayi kuchita milimo yawo yakukhwaskana na kusopa ku Russia
NOVEMBER 30, 2015—Ŵakaboni ŵa Yehova ŵakukwana 16 ku Taganrog ŵakapika mulandu chifukwa chakuchita vinthu vyakukhwaskana na kusopa. Mweruzgi wakayimiska dankha chigamuro
DECEMBER 2, 2014—Khoti Likuru Chomene ku Russia likakanizga webusayiti ya jw.org
JULY 30, 2014—Ŵanthu 7 pa Ŵakaboni ŵa Yehova 16 ŵakapika mulandu ku Taganrog chifukwa ŵakachitanga vinthu vyakukhwaskana na chisopa
JUNE 10, 2010—Khoti Lakuwona vya Wanangwa wa Ŵanthu ku Europe likayowoya kuti ivyo boma la Russia likachita pakukanizga Ŵakaboni ŵa Yehova ku Moscow nkhuswa wanangwa wawo
SEPTEMBER 11, 2009—Khoti ilo lili ku Chigaŵa cha Rostov likagamura kuti mabuku 34 gha Ŵakaboni ŵa Yehova ngakutalulira chomene
2009—Boma la Russia likamba kugwiliskira ntchito uheni dango la Federal Law na chilato chakuti ŵasange kafukwa Ŵakaboni ŵa Yehova kuti ŵakuchita vinthu mwakutalulira
MARCH 26, 2004—Milimo ya Ŵakaboni ŵa Yehova yikakanizgika ku Moscow
MARCH 1996—Boma likawona kuti Ŵakaboni ŵa Yehova ŵalije mulandu kweni kuti ŵakaŵasuzganga waka pa vifukwa vya ndyali
DECEMBER 11, 1992—Boma la Russia likazomerezga Ŵakaboni ŵa Yehova kulembeska mwakuyana na dango
MARCH 27, 1991—Ŵakaboni ŵa Yehova ŵakazomerezgeka kulembeska mu charu cha Soviet Union
OCTOBER 1965—Boma likamba kuchepeskako vinthu vinyake ivyo vikakanizgikanga kweniso kusuzga Ŵakaboni ŵa Yehova
APRIL 1951—Ŵakaboni ŵa Yehova pafupifupi 9,500 ŵakufuma mu vyaru 6 vya Soviet ŵakachimbilira ku Siberia
1928—Ŵakaboni ŵa Yehova ŵakatondeka kulembeska mwakuyana na dango; ndipo ŵakamba kutambuzgika
1891—Kaboni wa Yehova wakwamba ku Russia wakachimbilira ku Siberia
1887—Magazini yakwamba ya Gongwe la Mulinda yikatumizgika ku Russia