Wupu wa European Union na charu cha United States, ŵayowoyapo kukhwaskana na umo boma la Russia likuyuzgira Ŵakaboni ŵa Yehova. Ivyo ŵayowoya vyavumbura kuti boma la Russia likuteta pakuyowoya kuti kukanizga mawupu gha Ŵakaboni ŵa Yehova kukukhwaska yayi wanangwa wa Kaboni waliyose wa kulondezga chipulikano chake. Kweni nga umo wupu wa European Union ukayowoyera, “fundo iyi yikususkana na ivyo [boma la Russia] likuchita.” Pakuyaniska ivyo boma la Russia likuyowoya na umo likuyuzgira Ŵakaboni ŵa Yehova, charu cha United States chikati “fundo iyi njautesi.”

Boma la Russia lajalira mu jele Ŵakaboni 8 ndipo pasono likufufuza milandu 12 mu misumba 11. Nangauli ntchakufipiska mtima kuwona unandi wa katundu uyo boma likuphanga, kweni chakufipiska mtima chomene ni umo Ŵakhristu awo ŵakuyuzgika chifukwa cha chipulikano chawo ŵakusuzgikira.

Wupu wa European Union na charu cha United States ŵapempha boma la Russia kuti lifiske ivyo lili kulayizga kuti livikilirenge wanangwa wa ŵanthu wa maghanoghano, njuŵi, na chisopa panji vigomezgo.

Malinki gha ivyo ŵakayowoya:

https://www.osce.org/permanent-council/381820

https://www.osce.org/permanent-council/381823