Pa May 2 na 3, 2023, kukalokwa chivula chikuru kumanjiliro gha dazi kwa Rwanda, ndipo ivi vili kupangiska maji kututuka kweniso kulindimura charu. Ntheura ŵanthu ŵakujumpha 130 ŵali kufwa ndipo ŵanyake ŵanandi ŵali kufumamo mu nyumba zawo. Maji ghakututuka kweniso kulindimuka kwa charu vili kunanga minda ya vyakurya, nyumba, mabuliji, na misewu.

• Palije ŵabali panji ŵadumbu ŵithu awo ŵali kufwa panji kupwetekeka

• Nyumba 51 zili kuwirathu

• Nyumba 43 zili kunangika chomene

• Nyumba za Ufumu ziŵiri zili kunangika pachoko waka

• Makomiti ghatatu Ghakovwira Para Kwachitika Masoka ghakasoleka kuti ghanozge na kupeleka wovwiri wakwenelera ku awo ŵakakhwaskika

• Ŵabali ŵa mu Komiti ya Munthavi, ŵalaŵiliri ŵa dera, na ŵabali ŵalara ŵakovwira na kukhozga mwauzimu ŵabali awo ŵali mu vigaŵa ivyo vyakhwaskika

Tikulomba kuti Yehova walutilirenge kupembuzga ŵabali na ŵadumbu ŵithu ku Rwanda awo ŵali mu “nyengo ya suzgo.”—Salimo 46:1.