Nkhakwamba kuti boma la South Korea lambe kuzomerezga kuti awo ŵakana usilikari chifukwa cha njuŵi yawo ŵagwire ntchito zinyake padera pa za usilikari. Pa October 26, 2020, ŵabali ŵithu 63, ŵakazomera kupika mwaŵi uwu na kwambapo kugwira ntchito izi pa jele linyake, ndipo ŵatorenge vyaka vitatu kuti ŵamalizge. Zinyake mwa ntchito izo ŵagwirenge ni nga zakuwona za vyakurya, kugura katundu, vya masambiro, vya utozi na vya umoyo, kweniso za kunozga vinthu vyakupambanapambana. Kuyana na malango agho ghaŵikika sono, para ŵagwira ntchito izi kwa myezi yiŵiri, ŵabali ŵanyake ŵamwamba kuzomerezgeka kuluta kukachita vinthu vinyake vyauzimu para ŵamalizga ntchito yawo zuŵa ilo. Ndipouli, paŵenge dango lakuti para yikuti waka 9 koloko usiku, mbwenu waliyose waŵenge kuti wiza.

Mubali Kim Hyun-soo, uyo njumoza mwa ŵabali 63 aŵa, wakuti: “Nangauli malango gha ntchito izi ghakupambanako na agho vyaru vyose vikwendera, kweni ine nasankha kuzomera kugwira chifukwa zikunjizgamo vya usilikari yayi ndipo zikulaŵilirikaso na ŵasilikari yayi.”

Tili na chigomezgo chose kuti ŵabali ŵithu ŵachinyamata kweniso ŵakugomezgeka ŵa ku South Korea, ŵalutilirenge kupeleka uchindami na malumbo kwa Yehova kwizira mu ‘milimo yawo yiwemi.’—Mateyu 5:16.