Pa January 7, 2021, khoti la ŵasilikari ku Tajikistan likati Mubali Rustamjon Norov wakagwire jele vyaka vitatu na hafu chifukwa cha kukana kunjira usilikari chifukwa cha njuŵi yake.

Pambere khoti lindapeleke chigamuro, Rustamjon wakapika mwaŵi wakuti wayowoyepo. Mwachikanga wakakora mavesi ghanandi gha mu Baibolo kuti walongosore chifukwa icho wakukanira kunjira usilikari. Wakayowoyaso icho chikamovwira kuti walutilire kuzizipizga.

Wakayowoya mazgu gha pa Ŵafilipi 4:13 agho ghakuti: “Mu vinthu vyose, nkhusanga nkhongono mwa uyo wakunipa nkhongono.” Pamanyuma, wakatiso: “Nyengo yose iyi, najiwonera nekha umo Chiuta wane Yehova waŵira nane ndipo wanipa nkhongono kuti nileke kuthera panji kugongoweskeka, kweni wanovwira kuti niŵe wakukondwa na wachimwemwe, ndipo nkhulutilira kumwemwetera. Pa chifukwa ichi nkhumuwonga chomene ndipo ndine wakunotha kuŵa Kaboni wake.”