Pa March 19, 2021, wupu wa UN Human Rights Committee (CCPR) ukapempha charu cha Tajikistan kuti chichitepo kanthu mwaluŵiro mwakuti chivikilire umoyo wa Mubali Shamil Khakimov uyo wali na vyaka 70. Mubali withu uyu wakulwara ndipo wakajalirika mu jele mu February 2019 chifukwa waka chakuchita vinthu vyakukhwaskana na chipulikano chake mwamtende. Wupu wa CCPR wapempha ŵalaraŵalara ŵa ku Tajikistan kuti ŵamufumiske mu jele ndipo ŵalute nayo dankha ku chipatala, pamanyuma ndipo ŵangamupa chilango chinyake.